पोखरा, १४ कात्तिक । नेपाली काँग्रेस कास्कीको बुधबार बैठक बसेको छ ।

   बैठकले दशैं, तिहार, नेपाल सम्वत्, छठ, ल्होसारको अवसरमा कात्तिक २० गते पार्टी कार्यालय चिप्लेढुङ्गामा शुभकामना आदानप्रदान तथा चियापान कार्यक्रम गर्ने निर्णय गरेको जिल्ला सदस्य नवीन सिग्देलले जानकारी दिए ।

  बैठकले नेकपाका कार्यकर्ताले सर्लाहीमा काँग्रेस कार्यकर्तालाई गोलिहानी हत्या गरेको घटनाको भत्सर्ना गर्दै हत्यामा संलग्नलाई कारवाही गर्न माग गरेको छ ।

  साथै बैठकले भूपू सैनिक संघ कास्कीका अध्यक्ष क्या. टिकप्रसाद गुरुङ, नेपाली काँग्रेस लाहाचोकका संस्थापक सभापति डिल्लिराम अधिकारी, पोखरा – ३३ भरतपोखरीका सहसंयोजक सरोज अधिकारी, पूर्व कार्यालय सचिव मोहन गिरी, नेपाल तरुण दल मिजुरेडाडाँका अध्यक्ष मनोज गुरुङ र क्षेत्रीय प्रतिनिधि हिमानन्द बस्ताकोटीको निधन भएकोमा दुःख व्यक्त गर्दै शोक प्रस्ताव पारित गरेको छ ।

  बैठक कास्की काँग्रेसका सभापति कृष्ण केसीको अध्यक्षतामा बसेको थियो ।

पोखरा । पोखरेली तमुहरुले विगतका वर्षहरुमा झै सामुहिक रुपमा तमु ल्होछार÷ल्होसार मनाउने भएको छ। बुधवार पोखरामा सम्पन्न तमु संघ संस्थाहरुको बैठकले कुकुर वर्ग(खि ल्हो)को विदाई र मृग वर्ग(फो ल्हो) आगमनको अवसरमा तमु ल्होछार÷ल्होसार सामुहिक रुपमा मनाउने निर्णय गरेको हो।

पोखरा ९ नयाँबजारस्थित तमु धिं नेपालमा सामुहिक ल्होछार÷ल्होसार समितिका संयोजक तमु ह्युल छोंज धिं गुरुङ राष्ट्रिय परिषदका ४ नं प्रदेश संयोजक दलबहादुर तमुको अध्यक्षतामा सम्पन्न बैठकले तमु जातिको महान चार्ड विगतमा जस्तै एकताको सन्देश दिदै मनाउने निर्णय गरेको हो। बैठकल उक्त समितिको आर्थिक संयोजकमा तमु धिं नेपालका कोषाध्यक्ष सुवेदार मेजर श्रीप्रसाद तमुलाई चयन गरेको छ।

विगत लामो आन्दोलनबाट राष्ट्रिय चार्ड ल्होछार÷ल्होसार वा तमुहरुको वर्षका दिन पुस १५ मा प्राप्त विदा कटौती फिर्ता गराउन माग गर्दै सामुहिक तमु ल्होछार÷ल्होसार समितिले प्रदेश नं. ४ का मुख्य मन्त्री पृथ्वीसुब्बा गुरुङलाई ज्ञापन पत्र बुझाउने भएको छ। विगतमा प्राप्त विदा कटौती गरिनु दुखदायी हो, प्रदेश सरकारसँग पुस १५ मा विदा, प्रदेशमा गुरुङ र मगर भाषालाई कामकाजको भाषासहितको मागका लागि मुख्य मन्त्रीलाई ज्ञापन पत्र बुझाइने संयोजक दलबहादुर तमुले बताउनुभयो। सामुदायिक अधिकार र एकताका लागि सबै तमु संघ संस्थाहरुलाई सामुहिकतामा जुट्न उहाँको आग्रह समेत रहेको थियो।

तमु ल्होछार÷ल्होसारलाई एकता, समानता, सद्भाव, साँस्कृतिक पर्वको रुपमा सामुहिकतामा विगतदेखि पोखरेली तमु संघ संस्थाहरुले मनाउदै आएको र यसवर्ष मात्रै होइन आगामी वर्षहरुमा पनि सामुहिक रुपमा मनाउदै जाने तमु धिं नेपालकी अध्यक्ष कर्म तमुले बताउनुभयो।
बैठकमा पोखरेली विभिन्न तमु संस्थाहरुका प्रतिनिधीहरुको संस्थागत सहभागीता रहेको थियो।

पोखरा । कास्कीको सराङकोटमा निर्माणाधिन होटल बाराही रिसोर्टमा पेन्टिङ गर्ने क्रममा तेश्रो तलाबाट खस्दा मकवानपुर होटौडाका २५ वर्षिय राजकुमार मगरको मृत्यु भएको छ । पेन्टिङ गर्ने क्रममा तेश्रो तलाबाट भुइमा खसेपछि तत्काल उपचारको लागी पोखराकोे मणिपाल हस्पिटल लगिएकोमा डाक्टरले चेकजांच गर्ने क्रममा मृत घोषणा गरिएको प्रहरीले जनाएको छ । घटना पश्चात प्रहरीले निर्माणधिन रिसोर्टमा थप अनुसन्धान गरिरहेको छ ।

पोखरा । पोखराको बास्तोलाथरमा घरको कम्पाउण्डिङ गरेको पर्खालमा खेल्ने क्रममा पर्खाल भत्किदा दुइजना वच्चा घाइते भएका छन । बास्तोलाथर इन्द्र प्रसाद बास्तोलाको घरको कम्पाउण्डिङ पर्खालमा खेल्दै गर्दा एक्कासी पर्खाल भत्किदा सोही ठाउ बस्ने ५ वर्षिय गौरब थापा र ७ वर्षिय शुशान्त पोख्रेल घाइते भएका हुन । घाइतेहरुको पोखराको फिस्टेल हस्पिटलमा उपचार भइरहेको कास्की प्रहरीले जनाएको छ । घटनाको विषयमा थप अनुसन्धान समेत भइरहेको प्रहरीले जनाएको छ ।

त्यसैगरी पोखरा १० राममार्गमा अनिता तिमिल्सिनाको घरको पानी ट्याङकीको गाह्रो लगाएर आर सि टी जाली बुन्ने वेलामा गारो भत्किदा पोखरा १५ लक्ष्मी टोल बस्ने महेश कुमार राइ घाइते भएका छन । गारो भत्किएर च्यापिएको अवस्थामा राइको उद्धार गरी पश्चिमाञ्चल क्षेत्रिय अस्पतालमा उपचार भइरहेको कास्की प्रहरीले जनाएको छ ।

पोखरा, १४ कात्तिक । चीनको यिपिन सहरका उपमेयर चाङग फिङग र पोखराका मेयर मानबहादुर जिसीको बुधबार भेटवार्ता भएको छ । भेटमा उपमेयर फिङगले बन्दै गरेको पोखरा अन्तर्राष्ट्रिय विमानस्थलबारे चासो देखाएका छन् । उनले विमानस्थल पूरा भइसकेपछि यिपिनबाट पहिलो उडान भर्न चाहेको मनसाय व्यक्त गरेका छन् ।

‘अन्तर्राष्ट्रिय विमानस्थल बन्दै रहेछ । चाँडै पूरा होस् र यसको उद्घाटन यिपिनमा रहेको अन्तर्राष्ट्रिय विमानस्थलमा पहिलो उडान होस्,’ यिपिनका उपमेयर फिङगले भने, ‘हवाइमार्गबाट जोडिएको सम्बन्ध वास्तविक सम्बन्ध ठहरिनेछ ।’ उनले हवाइमार्ग सेवा विस्तार भयो भने उद्योग, पर्यटन, कृषिलगायत हरेक क्षेत्रमा प्रत्यक्ष सम्बन्ध राख्न सकिने बताए ।

गत असोजमा यिपिन र पोखराबीच भगिनी सम्बन्ध स्थापित भएपछि यिपिनका उपमेयरसहित ७ सदस्यीय टोली बुधबार पोखरा आएको हो । उनले पोखराका मयेर मानबहादुर जिसीलाई महानगरलाई विकास गर्नु छ भने पहिले कृषिलाई भन्दा पर्यटनलाई जोड दिन आग्रह गरे । उनले भने, ‘पोखरा साच्चिकै सुन्दर छ । यहाँ आइपुग्दा हामीलाई घरमै आइपुगेको जस्तो आभास भयो । त्यसैले यहाँ कृषिको भन्दा पहिले पर्यटन विकासमा लाग्नुस् ।’ उनले पोखरामा खिचेको फोटो यिपिनमा पठाउँदा सबै ढंग परेको सुनाए ।

सहरका कृषि विकास ब्युरो प्रमुख मिच्याङले पोखरा र यिपिनको भौगोलिक बनावट मिल्ने भएकाले कृषि विकासमा सहयोग गर्न आफूहरु तत्पर रहेको बताए । ‘यहाँ आउनुको मुख्य कारण नै हाम्रो चियाको प्रचारप्रसार गर्नु हो,’ उनले भने, ‘यसले २ देशबीचको अध्ययन र अनुभव आदानप्रदान गर्न सहयोग पुगेको छ ।’ उनले पोखरासँग व्यापार, पर्यटन, संस्कृति, मानव संसाधन र प्रविधि आदानप्रदान गर्न आफूहरु प्रतिबद्ध रहेको सुनाए ।

पोखराका मेयर मानबहादुर जिसीले यिपिनका मेयरलाई विमानस्थल निर्माण भइसकेपछि यिपिन ४ घण्टामै पुगिने भएकाले धेरै कुरामा सहयोग पुग्ने बताए । ‘यिपिन सहरबाट वार्षिक ५ प्रतिशतमात्रै पर्यटक पोखरा आउन सके भने हाम्रो पर्यटन विकासमा उल्लेख्य परिवर्तन आउने छ,’ उनले भने । मेयर जिसीले यिपिनले ५० वर्षमा सकेको काम आफूहरुले ५ वर्षमा गर्नु पर्ने बाध्यता रहेको समेत सुनाए ।

मेयर जिसीले यिपिन सहरले पोखराको कृषि विकासमा लगानी गर्न चाहे महानगर लगानीको वातारण निर्माण गर्न इच्छुक रहेको बताए । ‘सहयोग भावनाका समथ लिन र दिन दुबै तयार छौं,’ उनले भने । उनले चीनबाट आएका भ्रमण टोलीका ७ सदस्यलाई नेपाली ढाका टोपी लगाएर स्वागत गरे भने पोखराको फोटो उपहार दिएका थिए ।

प्रमुख प्रशासकीय अधिकृत शेषनारायण पौडेलले पोखरा उत्कृष्ट पर्यटकीय गन्तव्य भएकाले पर्यटन क्षेत्रलाई विशेष ध्यान दिएर विकास गरिरहेको सुनाए । भेटवार्तमा यिपिनका भ्रमण प्रतिनिधिले पोखराका मेयर मानबहादुर जिसीलाई यिपिन सहर भ्रमणको समेत निमन्त्रणा दिएका छन् ।

पोखरा १४ कात्र्तिक । ट्राफिक नियमको पालना गरे सवारी दुर्घटनामा न्यूनिकरण हुने पोखरामा बुधबार आयोजित एक कार्यक्रममा बताइएको छ । सवारी दुर्घटना न्यूनिकरण गर्ने उद्देश्यले मन्टेश्वरी एशोसियसन कास्कीको आयोजना र जिल्ला ट्राफिक प्रहरी कार्यालय कास्कीको सहयोगमा विद्यालय सवारी चालकका लागि आयोजित ट्राफिक सचेतना कार्यक्रममा बोल्दै कास्कीका ट्राफिक प्रहरी प्रमुख ऐनबहादुर मल्लले टाफिक नियमको पालना नगर्दा सवारी दुर्घटना बढेको बताए ।

उनले सवारी दुर्घटनाको अवस्था भयावह रहेको बताउदै त्यसको न्यूनिकरणका लागि नियमको पालना गर्नुपर्ने बताए । उनले नेपालमा पछिल्लो समय सवारी दुर्घटनाका कारण ज्यान गुमानेको संख्या धेरै रहेको बताउदै दश वर्षे जनयुद्धमा भन्दा पछिल्लो पाँच वर्षमा भएका सवारी दुर्घटनाबाट धेरै क्षति भएको छ । दश वर्षे जनयुद्धमा १५ हजारले ज्यान गुमाएको तथ्याङक रहेको छ भने पछिल्लो पाँच वर्षमा १० हजारको मृत्यु भएको र २० हजार गम्भिर घाइते भएको प्रमुख मल्लले बताए ।

उनले ट्राफिक नियमको पालना नगर्दा दुर्घटना हुने गरेको बताउदै त्यसका लागि सवारी चालकहरु सचेत हुनुपर्नेमा जोड दिए । पत्रकार महासंघ कास्कीका सदस्य एकराज गिरीले सवारी दुर्घना न्यूनिकरणका लागि ट्राफिक नियमको पालना गर्नुपर्ने बताए । उनले नियमको बारेमा जानकारी हुदाहुदै पनि त्यसको पालना नगर्दा सवारी दुर्घटना हुने गरेको बताए ।

कार्यक्रममा जिल्ला ट्राफिक कार्यालय कास्कीका प्रहरी नायव निरिक्षक शिव पाठकले सवारी दुर्घटनाका कारण, ट्राफिक नियम, जरीवाना र सजायका बारेमा चालकहरुलाई जानकारी गराएका थिए । सचेतना कार्यक्रमका संयोजक एवं मन्टेश्वरी एशोसियसन कास्कीका सदस्य जर्नादन सुवेदीले ६५ प्रतिशत बालबालिका सवारी मार्फत विद्यालय जाने भएकाले ट्राफिक नियम पालनाका लागि सवारी चालकहरुको भुमिका महत्वपूर्ण हुने भएकाले सचेतना कार्यक्रम आयोजना गरिएको बताए । कार्यक्रम मन्टेश्वरी एशोसियसन कास्कीका अध्यक्ष अरुणा शेरचनकोक अध्यक्षतामा भएको थियो भने संचालन सचिव सविता कोइरालाले गरेकी थिइन् । कार्यक्रममा पोखरामाभित्र संचालनमा रहेका ४० वटा मन्टेश्वरीका सवारी चालकहरुको सहभागीता रहेको थियो ।

बाबुलाई पति र हजुरबालाई ससुरा बनाएर जग्गा जति आफ्नै नाममा

पोखरा, १४ कार्तिक । आफ्नै बाबुलाई पति र हजुरबालाई ससुरा बनाएको दिदीले बहिनीले माथि अन्याय गरेको भन्दै पोखराका महिलाहरुले गण्डकी प्रदेशका मुख्यमन्त्री, कानुनमन्त्री, उपसभामुख, जिल्ला प्र्रशासन कार्यालय कास्की र पोखरा महानगरपालिका र वडा कार्यालय १५ मा मंगलबार जानकारी गराएका छन् ।

मुख्यमन्त्री पृथ्वीसुब्बा गुरुङ, आन्तरीक मामिला तथा कानुनमन्त्री हरीबहादुर चुमान, उपसभामुख सृजना शर्मा, महानगरपालिका प्रमुख मान बहादुर जिसी र १५ का वडा अध्यक्ष प्रकाश पौडेललाई दुर्गा अन्यायमा परेको विषय जानकारी गराइएको हो ।

सो क्रममा मुख्यमन्त्री पृथ्वीसुब्बा गुरुङले कहिलेकाँही कानुनले एउटा पक्षलाई न्याय दिदा अर्को पक्ष अन्यायमा परेको हुनसक्छ, यसको विषयमा यथार्थ बुझेर अगाडी बढ्ने बताउनुभयोे । गुरुङले आफुले कानुनको परिधिमा रहेर गर्नसक्ने सहयोग गर्ने बताउनुभयो ।

त्यस्तै महानगरपालिका प्रमुख मानबहादुर जिसीले आफुलाई यो विषय पहिलादेखि नै जानकारी रहेको भन्दै दुर्गालाई न्याय दिने बाटोको खोजी भईरहेको बताउनुभयो ।

समाजसेवी पवित्रा गुरुङको पहलमा विगत देखि दुर्गा कुँवरको पक्षमा अदालतले पनि दिदी रत्नाकुमारी शाहकै पक्षमा फैसाला गरेपछि स्थानिय महिला र माजसेवीले यसको विरोध गरीरहेका छन् । अभियानकर्ता पवित्रा गुरुङले २०÷२२ वर्ष जेठी दिदीले जालसाजी गरि सम्पुर्ण कागजात आफ्नै पक्षमा पारेकाले कानुनी हिसाबमा दुर्गा चुकेको बताउनुभयो ।

तर जालसाजी गरेर आफ्नै बहिनीलाई सडकमा पुर्याउने दिदीलाई सामाजीक बहिस्कार गरि अधिकार दिलाउन सबै पोरेली दिदी बहिनी दाजुभाईहरुलाई आह्वान गर्नुभएको छ ।

उहाँले आफुहरु दुर्गाको न्यायका लागि अन्तिमसम्म पनि लडिरहने बताउनुभयो ।

दुर्गा कुँवर पोखराको रामबजारमा थोत्रो घरमा बस्दै आउनुभएको छ । जुनघरमा बसेको ४३ वर्ष भयो । दुर्गाका बाबा भारतीय रेलवेमा काम गर्नुहुन्थ्यो । त्यहिबाट कमाएको पैसाले पोखराको रामबजारमा घरजग्गा जोड्नुभयो । घरजग्गा मात्रत्र जोड्नुभएन त्यतिबेलापनि छोरी रत्नाकुमारीलाई राम्रो सँग पढाउनुभयो । रत्नाकुमारी २२ वर्ष हुँदा बल्ल दुर्गा जन्मीएकी थिईन् । आफु बुझ्ने भएपछि रत्नाकुमारीले जालसाजी गरि सबै कागजपत्र मिलाएर उक्त जग्गा आफ्नो नाममा ल्याईन र चुपचाप बसीन् । जब दुर्गा बढ्दै गईन् यहि बिचमा रत्नाकुमारीको बिहे भयो । उनि आफ्ना लाहुरे पतिसँग ब्रिटीस गईन् ।

तर दुर्गा बिहे नगरि घरमा बा आमाको रेखदेख गरेर बसीरहीन् त्यतिबेलासम्म पनि थाहा भएन की जग्गा दिदीको नाममा छ । बा आमाको देहवसान भयो दुर्गाले काजकिरीया गरिन् तर रत्ना फर्कीईनन् । २०६१ सालमा आएर दिदीले बहिनीलाई यो मेरो सम्पति हो त्यसैले घर निस्कनु भनेपछि दुर्गा कुँँवर छाँगाबाट खसेझैँ भईन् अनि अदालत जाने निधो गरिन् तर मुखबाट बाबा आमा भन्न नसिक्दै हातले कखगघ लेख्न नजान्दै दिदी रत्नाकुमारीले बनाएका प्रमाणका अगाडी दुर्गाको केहि लागेन जिल्ला अदालत कास्की र उच्च अदालत पोखराले दिदीकै पक्षमा फैसाला गरिदीयो । तर रामबजारबासी बा आमा दाजुभाई दिदीबहिनी बाहेक दुर्गा अन्यायमा परेको कसैले देखेन ।

काठमाडौं । नेपाल मिडिया सोसाइटीका अध्यक्ष तथा एबिसी टेलिभिजनका प्रमुख शुभसंकर कँडेल अस्पताल भर्ना भएका छन । अत्यधिक टाउको दुख्ने समस्या बढेपछि कँडेल मंगलवार काठमाण्डौको मेडिसिटी अस्पताल भर्ना भएका हुन । केही दिनदेखी टाउको दुखाइ बढ्दै गएपछि अस्पतालमा भर्ना गरेर उपचार सुरु गरिएको हो ।

कँडेल गत २०११ देखि अत्यधिक टाउको दुख्ने समस्याबाट ग्रसित छन । चिकित्सकले कँडेलमा अननोन हेडयाच भएको जनाएका छन । उपचारमा संलग्न चिकित्सकका अनुसार कंडेललाई अझै दुइ दिन अस्पतालमा राखिने एबिसी टेलिभिजनका प्रशासकीय प्रमुख इन्द्र प्रकाश आचार्यले जानकारी दिए ।

पोखरा, ११ कात्तिक 
। पोखरा सांगीतिक कलाकार संघ नेपालको तेह्रौं साधारण सभा तथा छैटौं अधिवेशनले सुनिल थापा(हर्कबहादुर)लाई अध्यक्षमा चयन गरेको छ । कन्दरा व्याण्डका ड्रमरसमेत रहेका संगीतकार थापालाई अधिवेशनले अध्यक्षमा सर्वसम्मत चयन गरेको हो ।

समितिको उपाध्यक्षमा संगीतकार तथा गायक सागर शाह (एनजे), वैकल्पिक उपाध्यक्षमा लेकाली व्याण्डका भाई गुरुङ (हर्कराज) सचिवमा गीतकार राजेन्द्र अधिकारी (अपूर्ण), सहसचिवमा डि–मर्चा व्याण्डका लिड भोकलिस्ट भास्करध्वज श्रेष्ठ र कोषाध्यक्षमा देउराली व्याण्डका शान्तरत्न बज्राचार्यलाई चयन भएका छन् ।

समितिको सदस्यमा खिम गुरुङ (पायँ आली) तेज केसी (देउराली), आनन्दराज बज्राचार्य (गायक), अमित गुरुङ (कन्दरा व्याण्ड) र ईन्द्र गुरुङ (पखेरी व्याण्ड) चयन भएका छन् ।

यसैबीच, समितिको पहिलो बैठकले समितिको सदस्यमा बिनोद बानिया, प्राप्ती तुलाचन र बबी सुनारलाई चयन गरेको सहसचिव भास्करध्वज श्रेष्ठले जानकारी दिए । उनका अनुसार १५ सदस्यीय कार्य समितिमा बाँकी १ सदस्य पछि चयन गरिनेछ ।

त्यस्तै, समितिको सल्लाहकारमा साहित्यकार तथा गीतकार तीर्थ श्रेष्ठ, एस.के.साउण्ड सिस्टमका शेरबहादुर गुरुङ, बार डिजिटलका सञ्चालक बुद्धराज बज्राचार्य, विष्णुकुमार श्रेष्ठ (अल्पविराम) र हिमाली सांस्कृतिक परिवारका अध्यक्ष मेनकाजी गुरुङलाई चयन गरेको छ ।

समितिले अफिसियल पत्रकारमा अनलाईनखबरकर्मी सन्देश श्रेष्ठ र ठीकठाक डटकमका सुरज श्रेष्ठलाई अफिसियल फोटोग्राफरमा चयन गरेको सहसचिव भास्करध्वज श्रेष्ठले जानकारी दिए ।

२०६२ साल पुसमा स्थापित संघ पछिल्लो क्रममा निस्कृय रहँदै आएको थियो । तर अब पुनःकृयाशिल बनाउने उद्धेश्यले संघलाई व्यूँताइएको नवनिर्वाचित अध्यक्ष थापाले बताए ।

दिप साँझ २०७५ सातौँ संस्करण लक्ष्मी पुजाका दिन 

पोखरा, ११ कात्तिक । दिप युनाईटेड क्लव पोखरा १६ को आयोजनामा सातौँ संस्करणको दिप साँझ २०७५ यहि कात्तिक २१ गते बुधबार हुने भएको छ । लक्ष्मिपुजाका दिन हुने उक्त साँझको आवाश्यक तयारी थालिएको क्लवले आईतबार पोखरामा पत्रकार सम्मेलन गरि जानकारी दिएको हो ।

क्लवको आफ्नै भवन निर्माणका लागी रकम संकलन गर्ने, पोखरा १६ सेतिमार्गमा निर्माणधिन बहुउद्देश्यीय पार्कमा बाल तथा वृद्धमैत्री संरचनाहरु निर्माण गर्ने, क्लवका वार्षीक कार्यक्रम संचालन, ६० वर्ष उमेर पुगेका वृद्धा आमाहरुलाई एक दिने धार्मीक भ्रमण, युवा लक्षित तथा सामाजिक सचेतनाका कार्यक्रमहरु संचालनका लागी अर्थ संकलन गर्ने उद्देश्यले कार्यक्रम आयोजना गरिएको संयोजक राजेश गुरुङ्ले जानकारी दिनुभयो ।

उहाँका अनुसार नेपाली संस्कृतिको जगेर्ना, संरक्षण तथा प्रवद्र्धन गर्ने, सामुदायिक एकतामा जोड र भातृत्वको भावना अभिवृद्धि गर्ने तथा निकट भविष्यमा विभिन्न जातजातिहरुका लागी सामुदायीक बहुउदेश्यीय भवन निर्माण गर्ने लक्ष्य समेत राखेको छ ।

कार्यक्रममा नेपाली सांगीतिक क्षेत्रका चर्चित गायक नविन के भट्टराई, गायीका इन्दिरा जोशि, सन्ध्या बुढा (काउली बुढि), ड्रिमर्ज व्याण्ड, लेजेण्ड व्याण्ड लगायत चर्चित कलाकारहरुको प्रस्तुति रहने क्लवका सचिव रामप्रसाद सुवेदीले जानकारी दिनुभयो । कार्यक्रम सम्पन्न गर्न ८ लाख ९० हजार रुपैया खर्च लाग्ने अनुमान गरिएको छ ।

कार्यक्रम मार्फत बचत हुने रकम सामाजिक कार्यमा खर्च गरिने क्लवले जनाएको छ ।