चैत्र–१५, पोखरा । राष्ट्रकल्याण र विश्वशान्तिको कामना सहित श्रीराम जानकी मन्दिरको प्राङ्गण पोरा १७ बिरौटा मा आगामी चैत्र २३ गते देखि २०७६ बैशाख १ गते सम्म श्रीमद्देवीभागवत नवाह विराट ज्ञान महायज्ञ हुने भएको छ ।
श्रीराम मन्दिर परिसर भित्र निमार्णधिन अवस्थामा रहेका धर्मशालाको बाँकी भौतिक निर्माण सम्पन्न गर्न तथा वैदिक सनातन हिन्दु धर्म संस्कृतिको संरक्षण गर्नका लागि मन्दिरको पश्चिम तर्फको जग्गामा गुरुकुल आश्रम निर्माण गर्ने, संस्कृत शिक्षाको अध्ययन, अध्यापन गराउने, धर्म संस्कृतिको पुर्नजागरण गराउने, समाजमा आईपर्ने सबै प्रकारका धार्मिक कार्यहरु गर्ने गराउने उद्देश्यका महायज्ञको आयोजना गर्न लागिएको महायज्ञ मूल आयोजक समितिका अध्यक्ष लिलाभक्त आचार्यले बताउनुभयो ।

उक्त महायज्ञमा प्रमुख कथा बाचक प्रखर बक्ता संस्कृतिविद् दयानिधि गौतमले गर्नु हुने आयोजकले जनाएको छ । सो कार्यक्रमको शोभायात्रा चैत २३ गते हिान ७ः३० बजे श्रीराम मन्दिरबाट १०८ पूर्ण कलश सहित भजनकृतन बाजागाजाका साथ विरौटा चोकबाट नगर परिक्रमा गरी पुन श्रीराम मन्दिर परिसरमा पुगी उद्घाटन समारोहमा परिणत हुने महासचिव पुण्डरी प्रसाद बरालले जानकारी दिनुभयो । महायज्ञ सफल पार्नका लागि बिभिन्न समिति एवं उपसमितिहरु गठन गरिएको छ । जसमा अध्यक्षमा लिलाभक्त आचार्य, बरिष्ठ उपाध्यक्ष रुद्रनाथ बराल, महासचिव पुण्डरी प्रसाद बराल, सचिव माधव बराल, कोषाध्यक्ष गंगाधर पौडेल, सदस्यहरुमा राम प्रसाद श्रेष्ठ, डिल्लीरमण पोख्रेल, उमाकान्त शर्मा, बिष्णु प्रसाद पौडेल, कृष्ण प्रसाद आचार्य र नम्रता बराल रहनुभएको छ ।

यसैगरि प्रचार प्रसार संयोजकमा नेपाल पत्रकार महासंघ कास्कीका उपाध्यक्ष एवं रेडियो जननीका स्टेशन म्यानेजर बिमला भण्डारी, अग्रज संचारकर्मि एवं बरिष्ठ लोकगायक पुरुषोत्तम न्यौपाने, र लक्ष्मण शर्मा रहनुभएको छ । महायज्ञ सफल पार्नका लागि संयोजकहरुमा दानदाता तर्फ लिला प्रसाद पंगेनी,मञ्च ब्यबस्थापनमा श्री स्वामी नारायण मक्तिनाथ बिकास ट्रस्ट, यूवा परिचालनमा भोजराज बराल, पूजा ब्यबस्थापनमा ज्ञानु सुवेदी, भजन किर्तनमा रेशम राज सुवेदी, रहनुभएको सचिव माधव बरालले बताउनुभयो ।

यसका साथै महिला परिचालनमा ईन्दिरा थापा, भान्सा ब्यबस्थापनमा सिता पराजुली, फूलमाला व्यबस्थापनमा गायत्री अर्याल, संस्था परिचालनमा गिता सुवेदी , अतिथी सत्कारमा भिम बहादुर भट्टराई र दुर्गा बराल, सरसफाई तर्फ दिपेन्द्र बराल, अनूगमनमा उमाकान्त शर्मा, मूल्याङ्कनमा प्रा.डा. ईश्वरी शर्मा, स्वयंसेवकमा बिरौटा क्लब, खाध्यान्नमा रामप्रसाद सुवेदी, सम्मान तर्फ कालिदास पौडेल र भेषराज लम्साल, प्रसाद ब्यबस्थापन उपसमिति संयोजकमा दुर्गा अधिकारी, र जनजाती संयोजनमा नेत्र गुरुङ्ग रहनुभएको प्रचार प्रसार संयोजक बिमला भण्डारीले बताउनुभयो ।

सचिवालयमा कृष्ण प्रसाद पौडेल, भोला प्रसाद अधिकारी, डि आर भट्टराई, लाल बहादुर भट्टराई ,झंकनाथ पौडेल,हरी प्रसाद आचार्य, कृष्ण प्रसाद जमरकट्टेल , बासुदेव बराल, लालू प्रसाद रेग्मी, कबिराज आचार्य, सूर्य नारायण शर्मा, रुकमाया पौडेल, र याम प्रसाद पौडेल लगायत रहनुभएको छ । बैदिक सनातन हिन्दुधर्म संस्कृतिको संरक्षण गर्नूृका साथै धार्मिक पर्यटनको बिकासमा टेवा पु¥याउनका लागि आयोजना गरिएको महायज्ञमा उपस्थितीका लागि सम्पूर्ण भ क्तजनहरुमा आब्हान गर्दै यो महान कार्यमा सबैको साथ रहने आयोजकको अपेक्षा रहेको छ ।

चैत १५, पोखरा । महिलाहरुलाई नेतृत्वदायी क्षेत्रमा सक्रिय बनाउने उद्धेश्यका साथ लेखनाथको राजाको चौतारीमा संचालन गरिएको महिला सशक्तिकरणको लागि तिनदिने उद्घोषण एवं नेतृत्व बिकास तालिम शुक्रबार(आज) सम्पन्न भएको छ । आर्दश आमा समूहको आयोजना, पोखरा महानगरपालिका वडा नं ३२ को सहयोग साथै रेडियो जननी ९०.६ को सहकार्यमा संचालित उक्त कार्यक्रममा बोल्दै प्रमुख अतिथि रेडियो जननी ९०.६ का अध्यक्ष मिलन थापाले महिलाहरुको नेतृत्वदायी भुमिकालाई मजबुत बनाउन तालिमले सहयोग पु¥याउने बताउनुभयो । घर, परिवारलाई व्यवस्थापन गर्दै आफ्नो निम्ति समय छ्ट्याएर केही सिक्ने उर्जाका साथ उपस्थिती भएको प्रति आभार व्यक्त गर्नुभयो ।

सोही कार्यक्रममा बोल्दै लेखनाथ उद्योग वाणिज्य संघका महिला उद्यमी संयोजक सदस्य मेनुका श्रेष्ठले तालिमबाट प्राप्त बिषय बस्तुहरुलाई व्यवहारमा उतार्न महिलाहरुलाई आग्रह गर्नुभयो । सोही कार्यक्रममा बोल्दै आर्दश आमा समुहका अध्यक्ष पद्या गिरीले महिला सशक्तिकरणका निम्ति यस्ता नेतृत्वमुखी तालिमले निकै प्रभाव पारेको बताउनुभयो । अवसरलाई पहिचान गर्दै कामको सुरुवात गर्नुपर्नेमा उहाँको जोड थियो । प्रशिक्षकको रुपमा बोल्दै नेपाल पत्रकार महासंघ, कास्कीका उपाध्यक्ष एवं रेडियो जननी ९०.६ का स्टेशन म्यानेजर बिमला भण्डारीले तालिमप्रति उत्साहपुर्व लागेकामा तालिममा सहभागि सम्पुर्ण महिलाहरुलाई धन्यवाद प्रकट गर्नुभयो । उक्त ठाउँमा रहेका विविध बिषयमा सहकार्य गर्दै आम जनमानसबीच लैजान रेडियो जननी ९०.६ सधैँ तत्पर रहने उहाँको भनाई थियो ।

उक्त कार्यक्रममा नेपाल पत्रकार महासंघ, कास्कीका कार्य समिति सदस्य प्रकाश ढकालले समानता र समता, संवैधानिक व्यवस्था, समावेशीकरणका क्षेत्रहरु लगायतका बारेमा उपस्थित महिलाहरुलाई प्रशिक्षण दिनुभएको थियो भने पत्रकार कविराज खनाल, चौतारी युवा क्लबका अध्यक्ष इन्दुविलास पौडेल, मालमुल खानेपानी उपभोक्ता समितिका कोषाध्यक्ष भिमबहादुर गिरीको उपस्थिती रहेको थियो । लेखनाथ राजाको चौतारामा अवस्थित विभिन्न आमा समूहका करिब ६० जना महिलाहरुको उपस्थिति रहेको सो कार्यक्रमको संचालन आर्दश आमा समुहका सचिव राधा घिमिरेले गर्नुभएको थियो ।

हुम तमु, पोखरा, १५ चैत्र । तमु धिं नेपालले शुक्रवार क्षेत्रीय समाजका नवनिर्वाचित कार्यसमितिलाई बधाई ज्ञापन एवं स्वागत गरेको हो। पोखरा १३ स्थित बाँझापाटन तमु समाजको आगामी कार्यकालका लागि हालै पुनःनिर्वाचित कृष्णबहादुर तमुको अध्यक्षतामा गठित कार्यसमिति र महिला समितिलाई तमु धिं नेपालकी अध्यक्ष कर्म तमुले खादा लगाइदिदै बधाई एवं स्वागत गरिएको हो।

यसरी नै पोखरा १२ माटेपानीस्थित नाम शंसोधन गरिएको ताङतिङ दुधपोखरी तमु समाजको नवनिर्वाचित कार्यसमितिलाई तमु धिं नेपालले बधाई ज्ञापन एवम स्वागत सम्मान गरेको हो। अनरेरी सुवेदार मेजर हेमप्रसाद तमुको अध्यक्षतामा गठित नयाँ कार्यसमितिलाई तमु धिं नेपालकी अध्यक्ष कर्म तमुले खादा लगाएर स्वागत गर्नुभएको हो।तमु धिं अध्यक्ष तमुले नयाँ कार्यसमिति समाज, समुदाय र सामुदायिक एकतावद्धताका लागि क्रियाशील हुने अपेक्षा गर्नुभयो।

यसै विच तमु धिं नेपालद्धारा स्थापना गरिएको आकस्मिक राहत कोषका लागि तमु सेवा समिति नयाँबजारले २५ हजार रुपैया प्रदान गरेको छ। तमु सेवा समितिका अध्यक्ष क्या.रचेबहादुर तमुले तमु धिं नेपालकी अध्यक्ष कर्म तमुलाई उक्त रकमको चेक हस्तान्तरण गर्नुभएको हो। उक्त अवसरमा नयाँबजार अध्यक्ष क्या.तमुले मानव धर्म सेवा सहयोगका लागि तमु धिं नेपालद्धारा स्थापित आकस्मिक रातहकोषबाट क्षेत्रीय समाजभित्रका आर्थिक अवस्था कमजोर र सहयोग गर्नैपर्नेहरुलाई तत्कालका लागि राहत पुगोस् भनेर समाजको तर्फबाट उक्त रकम हस्तान्तरण गरेको बताउनुभयो।

रकम हस्तान्तरण गर्नुहुदै उहाँले अन्य समाजहरुलाई पनि राहतकोषमा सहयोग गर्न समेत आग्रह गर्नुभएको थियो। यस अघि अध्यक्ष क्या.रचेबहादुर तमुले आकस्मिक राहतकोष स्थापना गर्नका लागि शुरु मै एक लाख प्रदान गर्नुभएको थियो भने त्यसपश्चात आफन्तजनहरुबाट पनि कोषमा रकम सहयोग गर्दै आउनुभएको थियो।

हुम तमु ,  पोखरा, १५ चैत्र ।  शुभ दिनमा शुभकर्म गर्न इच्छा जाग्दछ। यस्तै इच्छा स्याङ्जा जिल्ला, चापाकोट नगरपालिका वडा नं.४ लगदाका रुकबहादुर गुरुङलाई जाग्यो। एलआइसी एजेन्सी मेनेजर रुकबहादुर गुरुङले गाँउ चिनाउने गरी कर्म गर्ने सोंच तीन वर्ष अघि तय गर्नुभयो। गुरुङको ध्यान पढ्न लेख्नतर्फ जादैन भन्ने पुरानो मान्यतालाई तोड्दै तीनवर्षका खोज अध्ययन पश्चात जन्मदिनको उपहारको रुपमा पहिलो पुस्तक जन्माउने भयो, रुकबहादुर गुरुङले। अत्यन्तै लगनशील र परिश्रमी गुरुङले आफु जन्मेको गाँउका इतिहासदेखि वर्तमानसम्म खोतल्दै भौगोलिक, सामाजिक, साँस्कृतिक,आर्थिक विश्लेषणात्मक पुस्तक लगदा गाँउका चिनारी ४६ औं दिनमा विमोचन गर्नुभयो। लगदाको भु—अर्थ—सामाजिक—साँस्कृतिक खोजमुलक पुस्तकको विमोचन शुक्रवार विहान पोखरा १० अमरसिंहचोकस्थित लेकाली चुलो टाक्सफोर्स होटलमा आयोजित समारोहमा प्रदेश सभाका सदस्य सांसद मीना गुरुङले गर्नुभएको हो।

प्रमुख अतिथि सांसद गुरुङले पुस्तक प्रकाशनका लागि बधाई एवम् जन्मदिनको शुभकामना व्यक्त गर्नुहुदै पुस्तक गाँउको प्रवर्धनको आधार बन्नेछ विश्वास व्यक्त गर्नुभयो।पुस्तक प्रकाशनले गुरुङको नयाँ पहिचान स्थापित भएको बताउनुहुदै मैले पनि लेख्नुपर्छ भन्ने सन्देस प्रदान गरेको उहाँको भनाई थियो । विविधताको मुलुकमा सास्कृतिक एकता, सकरात्मक सोंच, आपसी सद्भावले नै मुलुक सम्बृद बन्ने भएकाले पुस्तक लगदा गाँउको ऐनाको रुपमा प्रस्तुत भएकाले सद्भावको विकास गराएको बताउनुभयो। समृद्धिका लागि राष्ट्रियताको झण्डा फहराउने इमान्दार जनप्रतिनीधिको रुपमा आफु क्रियाशील रहने प्रमुख अतिथि सांसद गुरुङले प्रतिवद्धता समेत व्यक्त गर्नुभयो।

लगदा गाँउको चिनारी पुस्तकका लेखक÷प्रकाशक रुकबहादुर गुरुङले तीनवर्षको परिश्रमको रुपमा ४६ औं जन्मदिनमा पुस्तक प्रकाशन गरेको बताउनुभयो।आफु जन्मेको गाँउको इतिहास, लगदा गाउको भौगोलिक, सामाजिक, साँस्कृतिक, आर्थिक लगायतको पाटोबाट इतिहासदेखि वर्तमानसम्मको वास्तविकता केलाउने सक्दो पहल गरेको बताउनुभयो।उक्त पुस्तक आउदो पुस्ताका लागि इतिहास हस्तान्तरणको रुपमा उपहार दिन चाहेकाले आफुले मिहिनेत गरेको बताउनुहुदै पुस्तक विक्रीबाट प्राप्त रकम आफुले अक्षर प्रारम्भ गरेको गाँउकै विद्यालयमा बुबा भुवानन्द गुरुङको स्मृतिमा अध्यक्षकोष स्थापना गरिने बताउनुभयो। उक्त अक्षयकोषबाट जेहेन्दार विद्यार्थीहरुलाई अध्ययनका लागि प्रोत्साहन गर्ने योजना रहेको लेखक गुरुङले बताउनुभयो।

लेखकका बारेमा मल्याङकोट पोखरा सम्पर्क मञ्चका सचिव बाल्यकालदेखिका सहपाठी सन्तबहादुर गुरुङले रुकबहादुर गुरुङ विद्यार्थी, शिक्षक, समाजसेवादेखि एजेन्सी मेनेजरसम्म उत्कृष्ट बन्नुभएकोमा अब लेखकको रुपमा थप पहिचान बनाएकोमा बधाई ज्ञापन गर्नुभयो। लगदा गाउको चिनारी पुस्तक गाँउको इतिहासदेखी बर्तमानसम्मको खोजमुलक पुस्तक भएको उहाँको भनाई थियो।

वरिष्ठ एजेन्सी मेनेजर केदारनाथ अधिकारीले शुभकामना व्यक्त गर्नुहुदै इच्छाशक्तिको उपज पुस्तक प्रकाशित भएको बताउनुभयो।उक्त पुस्तक गाँउको यथार्थको लेखोट भएकाले लगदा गाँउको बिकासको लागि आधार बन्ने विश्वास व्यक्त गर्नुभयो।

नेपाल आदिवासी जनजाति पत्रकार महासंघ प्रदेश इञ्चार्ज हुमबहादुर गुरुङले शुभकामना व्यक्त गर्नुहुदै इमान्दार, लगनशील रुकबहादुर गुरुङ हरेक क्षेत्रका उत्कृष्ठ सावितको रुपमा पुस्तक प्रकाशित भएको दावी गर्नुभयो।गुरुङले पढ्दैनन्, पुस्तक त कहाँबाट लेख्नु भन्ने मानसिकतालाई चिर्दै जन्मथलोको पहिचानको खोजी, गाँउ बास्तविक चिरफार र प्रचारप्रसार एवं गाँउको विकासका लागि पुस्तक अति नै महत्वपुर्ण दस्तावेज बन्ने विश्वास व्यक्त गर्नुभयो।

चापाकोट नगरपालिका वडा नं. ४का वडाध्यक्ष बिक्रम सारुले शुभकामना व्यक्त गर्नुहुदै गाउको चिनारीको रुपमा पुस्तक प्रकाशनले उक्त क्षेत्रको विकासका लागि सहयोगी बन्ने बताउनुभयो। गाँउको विकासका लागिसडक, शिक्षा स्वास्थ्यको लागि जुट्ने उहाँको उद्घोष थियो।लगदा पोखरा सम्पर्क समितिका अध्यक्ष झबेन्द्र गुरुङको अध्यक्षतामा भएको कार्यक्रममा स्वागत स्वागत मेघप्रसाद गुरुङ र सञ्चालन सम्पर्क समितिका सचिव रामबहादुर गुरुङले गर्नुभएको थियो।

पोखरा, १५ चैत । विवेकशील साझा पार्टीको ‘ठुलो माछा समाऊ’अभियान अन्तरगत गण्डकी प्रदेश शाखाले शुक्रबार पोखरा स्थित अख्तियार दुरुपयोग कार्यालयमा पुगेर पछिल्लो विवरण माग गरेको छ । फागुन १४ गते मंगलबार भ्रष्टाचारको विरुद्धमा ज्ञापन पत्र बुझाएको विवेकशील साझा गण्डकी प्रदेशले एक महिना पछि प्रदेश र यस क्षेत्रमा भएका भ्रष्टाचारको विवरण माग गरेको हो ।

‘ठुलो माछा कता छ ?’ नारा दिएर भ्रष्टाचारको विरुद्धमा देशव्यापी विवेकशील साझा पार्टीले अभियान चलाईरहेको छ । सोही अभियान अन्तरगत पार्टीको गण्डकी प्रदेश शाखाले पोखराको अख्तियार कार्यालयमा पुगेर भ्रष्टाचारको उजुरी र कारबाहीको विवरण मागेको हो । विवेकशील साझा पार्टी गण्डकी प्रदेशका सँयोजक महेश भण्डारी, यो अभियानका सँयोजक दीपक पौडेल लगाएतका पार्टीका अभियन्ता तथा अगुवाहरु पोखरा नयाँबजार स्थित अख्तियार कार्यालयमा पुगेका थिए।

अख्तियार कार्यालयले दिएको विवरण अनुसार यस क्षेत्रमा अघिल्लो आर्थिक वर्षको भन्दा भ्रष्टाचारको संख्या झन् बढेको देखिएको छ । प्राप्त गरेको विवरण अनुसार अघिल्लो आर्थिक वर्षको २ सय ८७ वटा भ्रष्टाचार सम्बन्धि उजुरी परेकोमा यो आर्थिक वर्षको फागुन सम्ममा ३ सय ४५ वटा उजुरी कार्यालयमा दर्ता भैसकेका छन् । दुई आर्थिक वर्षको कुल ६ सय ३२ वटा उजुरीमध्ये ३ सय ४ वटा मुद्दा फस्र्यौट भैसकेका छन् भने बाँकी ३ सय २८ वटा उजुरी अनुसन्धानको क्रममा रहेको अख्तियारले बताएको छ ।

अख्तियारका अनुसार सबैभन्दा बढि उजुरी संघीय मामिला तथा सामान्य प्रशासन मन्त्रालयतर्पm परेको देखिन्छ । प्रदेश अन्तरगतका जिल्लागत उजुरी विवरण अनुसार सबैभन्दा बढि उजुरी कास्की जिल्लाको परेको छ भने पर्वत, तनहुँ क्रमागत छन् । मनाङमा शून्य उजुरी छ भने मुस्ताङ दोस्रो कम उजुरी पर्ने जिल्ला रहेको छ ।

विवेकशील साझा पार्टीले वाइडवडी, ३३ केजी सुन, मेलम्ची र गण्डकी मेडिकल कलेज लगायतमा भ्रष्टाचारको विषयमा काबारही गर्न भनि सरकारलाई दबाब दिँदै आएको छ । ट्रान्सपरेन्सी इन्टरनेशनलको तथ्यांक अनुसार अघिल्लो वर्ष १ सय २२ औँ स्थानमा रहेको नेपालअहिले भ्रष्टाचार हुने मुलुकहरु मध्ये १ सय २४ औँ स्थानमा झरेको छ । र, दक्षिण एशियाली आठ मुलुकमध्ये नेपाल पाँचौ स्थानमा रहेको छ ।

पोखरा, १५ चैत । चौथो गोर्खा भूतपूर्व सैनिक गोल्ड कप रनिङ शिल्ड बास्केटबल प्रतियोगिता पोखरामा शुक्रबारदेखि शुरु भएको छ । गण्डकी प्रदेश भूतपूर्व सेनिक खेलाडी संघ, पोखराको आयोजनामा शुरु भएको प्रतियोगिता २४ टिमको सहभागिता छ । पीपीओ पोखरा रामबजारका सीओ कर्णेल प्रतिक शर्माले प्रतियोगिताको उद्घाटन गरेका हुन् । कर्णेल शर्माले मुख्य रेफ्री विजय मल्ललाई बल हस्तान्तरण गरेर खेलको उद्घाटन गरेका हुन् ।

पोखरा रंगशालामा भएको बास्केटबल कोर्टमा भएको उद्घाटन खेलमा सेकेण्ड थर्ड गोर्खा राइफल्सले थर्ड फाइभ गोर्खा राइफल्समाथि ४२–३१ को जित निकाल्यो । शुक्रबार उद्घाटनसहित प्रतियोगिताको ६ खेल सम्पन्न भएको छ ।
प्रतियोगिताको अन्य खेलहरुमा फस्र्ट फाइभ गोर्खा राइफल्सले फस्र्ट फोर राइफल्सलाई ६२–२८, थर्ड फोर राइफल्सले फोर्थ फाइभ राइफल्सलाई ५२–३१, फस्र्ट फाइभले थर्ड थ्री राइफल्समाथि ७७–२९, फोर्थ फस्र्टले फाइभ एट राइफल्समाथि ३९–२६ ले हरायो ।

कार्यक्रममा बोल्दै कर्णेल शर्माले गोर्खा सैनिकले भारतीय राष्ट्रिय सुरक्षामा ठूलो योगदान पु¥याएको चर्चा गरे । सेवा निवृत्तपछि पनि खेलकुदको माध्यमद्धारा भारतीय गोर्खा सैनिकहरुले शारिरीक तन्दुरुस्तीमा जोड दिएको बताए । खेलकुदले शरीर र टिम स्पिरिटलाई कायम राख्ने उनको भनाई थियो । कर्णेल शर्माले भारतीय गोर्खा सैनिकहरुको सांगठनिक गतिविधिलाई भारत सरकारले समेत सहयोग र समर्थन गर्ने बताए ।

गण्डकी प्रदेश भूतपूर्व सैनिक खेलाडी संघका अध्यक्ष क्या. प्रेमप्रसाद गुरुङको अध्यक्षतामा भएको कार्यक्रममा संघका सल्लाहकार ले.धर्मबहादुर क्षत्रीले स्वागत र संचारकर्मी रोशनी गुरुङले कार्यक्रम संचालन गरेका थिए ।
शनिबार आठ वटा खेल हुने संघका अध्यक्ष क्या. प्रेमप्रसाद गुरुङले जानकारी दिए । गुरुङका अनुसार प्रतियोगिता चैतको २१ गतेसम्म हुनेछ ।

पोखरा १५ चैत । सुर्य तारा क्लब (पोखरा) पोखरा २७ तालचोकको आयोजनामा हुने सुर्य तारा रनिङ्ग शिल्ड पुरुष भलिबल प्रतियोगिताको तयारी तिव्र पारिएको छ । प्रतियोगिता सफल बनाउन प्रतियोगिता मुल आयोजक समितिको बैठक शुक्रबार सम्पन्न भएको छ । बैठकमा क्लबका पदाधिकारी, सदस्य, आजीवन सदस्य सल्लाहकार सहित बसेको बैठकले प्रतियोगिता सम्पन्न गर्न विभिन्न उपसमिति गठन गरेको छ । क्लबका अध्यक्ष विष्णु पुनको अध्यक्षतामा बसेको बैठकले महिला समन्वय उपसमिति संयोजकमा सरस्वती श्रेष्ठ, स्थानीय संघसंस्था परिचालन उपसमिति संयोजक शिवप्रसाद अधिकारी, स्वास्थ्य उपसमिति संयोजक रुद्ररमण रेग्मीलाई चयन गरेको छ ।

त्यस्तै बृद्धिजीवि समाजसेवी परिचालन उपसमिति संयोजकमा सल्लाहकार पर्वतकुमार पौडेल, मञ्च व्यवस्थापन उपसमिति संयोजकमा कृष्णप्रसाद अधिकारी, खाना आवास व्यवस्थापन उपसमिति संयोजक रामचन्द्र तिमिल्सिना, अतिथि सत्कार संयोजकमा क्लबका उपाध्यक्ष डिल्लिराम सुवेदी, प्रायोजक समन्वय उपसमिति संयोजकमा निजामुद्धिन मियाँ र प्रचार प्रसार संयोजकमा एकराज गिरीलाई चयन गरेको अध्यक्ष विष्णु पुनले जानकारी दिए । “समृद्ध समाज, हाम्रो परिकल्पना” भन्ने नारा सहित स्थापना भएको क्लबले नेपाली नयाँ वर्ष २०७६ को अवसरमा चैत २८ देखि बैशाख १ गतेसम्म प्रतियोगिता सञ्चालन गर्ने अध्यक्ष विष्णु पुनले जानकारी दिए । प्रतियोगिता अन्नपूर्ण गाँउपालिकाको माछापुच्छे« मा.वि.को खेल मैदान ढिकुरपोखरीमा सञ्चालन हुने छ ।

प्रतियोगिताको विजेताले एक केजी चाँदीको शिल्ड सहित नगद १ लाख १ सय ११ प्राप्त गर्नेछ । उपविजेताले नगद ५५ हजार ५ सय ५५ रुपैयाँ, शिल्ड, मेडल र प्रमाणपत्र प्राप्त गर्ने छन् । त्यस्तै प्रतियोगितामा उत्कृष्ट खेलाडीलाई नगद १० हजार, मेडल र प्रमाणपत्र र अनुशासित टिमलाई नगद पाँच हजार, मेडल र प्रमाणपत्र प्रदान गरिने आयोजकले जनाएको छ ।। प्रतियोगितामा सहभागी हुन चैत २५ गतेसम्म टिम दर्ता गर्न सकिने आयोजकले जनाएको छ । टिम दर्ताका लागि पाँच हजार रुपैयाँ शुल्क लाग्ने छ । प्रतियोगिता सम्पन्न गर्न करिव ११ लाख ४५ हजार रुपैयाँ खर्च लाग्ने अनुमान गरिएको आयोजक सुर्य तारा क्लबले जनाएको छ ।

पोखरा १५ चैत । विभिन्न कारणले अध्ययन गर्नबाट बञ्चित भएका महिलाहरुलाई साक्षर बनाउने उद्देश्यले उपमेयसंग महिला कार्यक्रम मार्फत शैक्षिक सहजता कार्यक्रम सञ्चालन गरिएको छ । पोखरा महानगरपालिका वडा नम्वर १५ मा रहेको निर्मल टोल विकास संस्थाका महिलाहरुलाई उपमेयसंग महिला कार्यक्रम मार्फत तीन महिने शैक्षिक सहजता कार्यक्रम सञ्चालन गरिएको हो ।

कार्यक्रमको पोखरा महानगरपालिका कार्यबाहक प्रमुख मञ्जुदेवी गुरुङले शुक्रबार उद्घाटन गरिन् । उनले हिजो विभिन्न कारणले शिक्षा आर्जन गर्नबाट बञ्चित भएका आमा दिदिबहिनीहरुलाई लक्षित गरेर कार्यक्रम सञ्चालन गरिएको बताइन् । उनले शिक्षा सिकाई भएकाले मानिसले जन्मदेखि सिकाई सुरु हुने र कहिल्यै अन्त्य नहुने बताउदै सिक्न हिचकिचाउन नहुनेमा जोड दिइन् । उनले शिक्षाको कारण महिला पछाडी परेको बताइन् । नेपालको संविधानले महिलालाई धेरै अधिकार दिएको भएपनि अधिकारका बारेमा ज्ञान नहुदाँ प्रयोग गर्न नपाएको भन्दै महिलासंग उपमेयर कार्यक्रम मार्फत शसक्तिकरण अन्र्तगत शैक्षिक सहजता कार्यक्रम ल्याएको बताइन् ।

निर्मल टोल विकास आमा समुहका अध्यक्ष कमला परियारले शिक्षा प्राप्त गर्न नसक्दा आफनो नाम लेख्न नसक्ने हामीहरुलाई कार्यक्रमले सहयोग पुग्ने विश्वास ब्यक्त गरिन् । उनले कार्यक्रमपछि लेख्न, मोबाई चलाउन र हिसाव राख्न सक्ने सक्षम हुने बताइन् । निर्मल टोल विकास संस्थाका अध्यक्ष भक्तराम विकले शैक्षिक सहजता कार्यक्रमले टोलका दिदि बहिनीहरुलाई केही सहजता प्रदान गर्ने बताए । प्रशिक्षक कोपिला पौडेलले टोलका महिलाहरुले सिक्न ध्यान दिनुपर्ने बताउदै इच्छा शक्ति भए उमेरले केही फरक नपार्ने बताइन् । पोखरा महानगर वडा नम्वर १५ का अध्यक्ष प्रकाश पौडेलको अध्यक्षतामा भएको कार्यक्रममा वडा सदस्य पार्बती कार्की र त्रिवेणी पौडेलले लगायतले कार्यक्रम प्रभावकारी हुने विश्वास ब्यक्त गरे ।

Gita Rana Magar,पोखरा १५ चैत्र । पोखराको छोरेपाटनमा रहेको एस ओ एस व्यवशायिक तालिम केन्द्रमा विभिन्न विधामा सीप सिकेका ६३ जना प्रशिक्षार्थी दीक्षित भएका छन । तालिम केन्द्रमा सञ्चालित कम्प्युटर अपरेटर, हाउस वाएरिङ, गाडी मर्मत, लेथ मेसिन, मोवाइल टिभी मर्मत तालिममा सहभागी भइ पास आउट भएका विद्यार्थीहरुलाई दीक्षित गर्दै गण्डकी प्रदेशका सांसद कृष्ण थापाले एस ओ एस व्यशायिक तालिम केन्द्र नेपालकै एकमात्र विभिन्न प्रकारका सीपमुलक तालिमहरु प्रदान गर्ने व्यशावयिक तालिम केन्द्र भएकाले गण्डकी प्रदेश सरकारले तालिम केन्द्र संग मिलेर युवाहरुलाई स्वदेशमानै स्वरोजगार बन्ने गरी तालिम प्रदान गर्न तर्फ लाग्नुपर्नेमा जोड दिए ।

थापाले आफु प्रदेश सभा सदस्य भएकाले गण्डकी प्रदेशका युवाहरुलाई लक्षित गरी सीपमुलक तालिमहरु प्रदान गरी आफ्नै प्रदेशमा स्वरोजगारको अवसर प्रदान गर्नका लागी आफ्नो तर्फबाट समत पहल गर्ने प्रतिवद्धता ब्यक्त गरेका थिए । सो अवसरमा वोल्दै कम्प्युटर अपरेटर तालिम सकेर दीक्षित भएका प्रशिक्षार्थी उमेश जुग्जाली मगरले आफुहरुले खाली समयमा सानो रकममा एसओएस व्यशायीक तालिम केन्द्रमा तीन महिनामा आत्मनिर्भर हुने खालको तालिम सिक्न पाउदा निकै खुसी लागेको वताउदै तालिममा सिकेको कुरालाई ब्यवहारमा उतार्ने र स्वदेशमानै केही गर्ने वताए ।

त्यस्तै सवारी साधन निर्माण र लेथ मेसिनको तालिम लिएका धन बहादुरले आफु वैदेशिक रोजगारबाट नेपालमा छुट्टीमा आएको वेला आफुले लेथ मेसिन र सवारी साधन निर्माण सम्वन्धी तालिम लिन पाउदा खुसी लागेको वताउदै कुनै पनि सवारी साधन बाटोमा बिग्रेर बसेको खण्डमा आफुले सजिलै बनाइदिन सक्ने वताए । यस्ता तालिम अन्य युवाहरुले समेत लिएको खण्डमा स्वदेशमा अर्थात विदेशमा समेत राम्रो अवसर पाउने उनको भनाइ रहेको थियो ।

सो अवसरमा वोल्दै तालिम केन्द्रका प्रमुख थुप्तेन साम्फेलले विगत ४० वर्षदेखी पोखरामा रही विभिन्न विद्यामा सीपमुलक तालिमहरु प्रदान गर्दै आइरहेको भएतापनि पछिल्लो ६ महिनादेखी सिटिइभीटी मान्यता प्राप्त तालिम केन्द्र भएकाले तालिममा सहभागी भएकाहरुले नेपालमा र नेपाल बाहिर पनि राम्रो अवसर प्राप्त गर्ने वताए । साम्फेलले हाल सम्म तालिम केन्द्रबाट एक हजार भन्दा बढी प्रशिक्षार्थीहरुले प्रशिक्षण लिइ कोहीले स्वदेशमा र केहीले विदेशमा समेत राम्रो अवसर पाएको र आगामी दिनमा स्थानिय सरकार संग सहकार्य गरेर युवाहरुलाई स्वरोजगार बनाउने गरी तालिम केन्द्र अगाडी वढ्ने समेत वताए ।

सो अवसरमा गण्डकी प्रदेश सभा सदस्य इन्द्रधारा विष्ट, सिटिइभीटि पोखराका प्राचार्य जीवन भण्डारी, एस ओ एस वालग्राम गण्डकीका योजना निर्देशक भगत कुमार श्रेष्ठ लगायतले वोलेका थिए । कार्यक्रमको सञ्चालन एसओएस वालग्राम पोखराका योजना निर्देशक लोब्साङ ग्याल्त्सेनको अध्यक्षतामा सम्पन्न कार्यक्रमको सञ्चालन प्रदीप भक्त आचार्यले गरेका थिएभने कार्यक्रममा स्वागत मन्तब्य तालिम केन्द्रका प्रमुख थुप्तेन साम्फेलले गरेका थिए ।

पर्वत । सेकेण्ड भाइस गभर्नर पदका उम्मेदवार ध्रुव श्रेष्ठलाई लायन्सको नेतृत्वमा ल्याउन धौलागिरीका लायनहरु एक साथ उर्लिएका छन् । लायन्स क्लव इन्टरनेशनल डिष्ट्रिक्ट ३२५ बि १ नेपालको सातौं राष्ट्रिय महाविधेशन आगामी वैशाख १३ र १४ गते पोखरामा हुदैछ । महाधिवेशनलाई लक्षित गर्दै लायनहरुसँग भेटघाट तथा सुझाव संकलनका लागि धौलागिरीको बागलुङ, म्याग्दी र पर्वतमा पुगेको श्रेष्ठको टोलीसँग त्यहाँका लायनहरुले उम्मेदवार श्रेष्ठलाई जिताएरै छोड्ने प्रतिवद्धता जनाए  ।

श्रेष्ठबाट नै लायन्समा सकरात्मक परिवर्तन सम्भव भएको बताउँदै उनीहरुले ४२ वर्षसम्मको लायन्सको अनुभव, सक्षम र योग्य व्यक्ति श्रेष्ठ नेतृत्व लिनका लागि पछि नहट्न सुझाव दिए । उनीहरुले लायन्सको ध्रुव ताराको रुपमा समेत चिनिने श्रेष्ठ नाममा भन्दा काममा विश्वास गर्ने भएकोले आफूहरुको साथ र समर्थन श्रेष्ठको पक्षमा नै रहनेमा ढुक्क हुन आग्रह गरे ।

बागलुङमा भएको कार्यक्रममा डिपार्टमेण्ट चिफ लायन श्यामकृष्ण श्रेष्ठ, एडभाईजर लायन वावुराम अधिकारी, जोन चियर पर्सन लायन वीरबहादुर कार्की, म्याग्दीमा रिजन चियर पर्सन दिपेन्द्र श्रेष्ठ, पिआरओ लायन विमला गौचन तथा पर्वतमा रिजन चियर पर्सन लायन नरेश कडेल, सिनियर एजभाईजर लायन वसन्तकुमार कर्माचार्य, चिफ एडभाईजर लायन काशिकुमार जोशी लगायतले आ—आफ्ना भनाई राखेका थिए ।

उम्मेदवार श्रेष्ठले आम लायनहरुको विश्वास र भरोसालाई कायम राख्न र लायनवादलाई अझ सुन्दर बनाउन काम गरेर देखाउने विश्वास व्यक्त गरे । डिष्ट्रिक्टको लायन वर्ष २०१८÷१९ का चिफ एडभाइजर समेत रहेका श्रेष्ठ ३२ वर्ष पुरानो लायन्स क्लव अफ पोखरा अन्नपूर्णका पूर्व अध्यक्ष समेत हुन् । अन्नपूर्ण क्लव लायनवादको इतिहासमा उत्कृष्ट काम गर्दै उदाहरणीय क्लव बन्न सफल भएको क्लव पनि हो ।