पोखरा, १३ साउन ।पोखराका तिन जना व्यवसायीहरुको सयुक्त लगानीमा पोखराको छोरेपाटनमा बराल बस्त्रालय एण्ड नारी फेसन संचालनमा आएको छ । पोखराका युवा व्यवसायीहरु राम बराल, राजु सुनार र बालकृष्ण धिमिरेको सयुक्त लगानीमा बराल बस्त्रालय एण्ड नारी फेसन संचालनमा आएको हो ।
फेसनको शुभारम्भ कार्यक्रममा बोल्दै कपडा व्यवसायी एशोयिसन कास्कीका उपाध्यक्ष एंव लायन्स क्लव अफ पोखरा राईजिङ् स्टारका अध्यक्ष लेखनाथ पौडेलले सेवाको गुणस्तर र बजारीकरणमा जोड दिनुभयो । पोखराको पर्यटकिय स्थल गुप्तेश्वर गुफा र डेभिड फल्सको नजिकै रहेको उक्त फेसनले ग्रहाकहरुको मन जित्नेमा उहाँले विश्वास व्यक्त गर्नुभयो ।
यस्तै कपडा व्यवसायी एशोसियसन कास्कीका सदस्य एंव लायन्स क्लव अफ पोखरा राईजिङ स्टारका प्रथम उपाध्यक्ष चोक बहादुर गुरुङले व्यवसायमा अनुभवी तिनै जनाले त्यसको सफल प्रयोगमा जोड दिनुभयो । युवाहरु विदेश जाने क्रम बढिरहेका बेला स्वदेस मै लामो समयदेखी व्यवसाय गरि थप विस्तार गर्न सफल भएकामा शुभकामना समेत दिनुभयो ।
तिन जना युवा व्यवसायीहरु मध्ये राम बरालको छोरेपाटन मै बराल बस्त्रालय, राजु सुनारको एस एण्ड एस फेसन कलेक्सन विरौटा र बाकृष्ण घिमिरेको ओउ फेसन कलेक्सन रत्नचोकमा संचालनमा रहेको छ । झण्डै १५ लाखको लागतमा सयुंक्त रुपमा संचालन गरिएको बराल बस्त्रालय एण्ड नारी फेसनमा लेडिज आईटमहरु उपलब्ध हुने उनिहरुले जनाएका छन् ।
