पोखरा  असोज २४ । उद्धार रोकथाम र पुर्नस्थापनाको माध्यमबाट मानव बेचविखन विरुद्धमा क्रियाशिल संस्थाथ्रि एन्जल्स नेपालले एसियनएनजीओ लीडरसीप अवार्ड हासील गरेको छ । यूनाईटेट अरब ईमिरेट्सको दुवईमा यहिअसोज २२ र २३ गते आयोजनागरिएको एसियाली नेतृत्व सम्मेलनको अवसरमा संस्थाले उक्त अवार्ड प्राप्त गरेको हो ।

मानव बेचविखन विरुद्ध कामगर्दै आएको संस्थाले उत्कृष्ठ रोकथामविधाअन्र्तगत अवार्ड हासील गरेको संस्थाकाकार्यक्रमतथा परियोजनानिर्देशक डा. मदनथापाले जानकारी दिनुभयो । अवार्ड ग्रहणका लागि संस्थाका संस्थापक अध्यक्षएवं प्रमुखकार्यकारी निर्देशक डा राजेन्द्र कुमार गौतम र संस्थाकाअध्यक्षशारदा खत्रीगौतम दुवई पुग्नुभएको थियो । कार्यक्रमकाप्रमुखअतिथिएवं साउथ अफ्रिकाकामन्त्रीले उक्त अवार्ड प्रदानगर्नुभएको थियो । संस्थाले प्राप्त गरेको यो चौथो अन्र्तराष्ट्रिय अवार्ड हो ।

सो अवसरमाबोल्दै प्रमुखकार्यकारी निर्देशक डा राजेन्द्र गौतमले मानव बेचविखन रोकथाममाहाम्रो अभियाननिकै प्रभावकारी माध्यम रहेको बताउनुभयो । उक्त अवार्डले आँफूहरुमाथपउर्जा र मानव बेचविखन रोक्नजिम्मेवारीवोध महशुस भएको डा गौतमले बताउनुभयो ।
संस्थाले संगै जाउँ संगै सिकौँ भन्ने मूलनाराका साथगतवर्षदेखि संस्थाले सञ्चालनगर्दै आएको हाम्रो अभियाननामककार्यक्रममार्फत मानव बेचविखन रोकथामको पहलगर्दै आएको छ ।
उक्तकार्यक्रममाविभिन्न एक सय देशहरुबाट प्रतिनिधिहरुको सहभागिता रहेको थियो । अवार्डकार्यक्रममाअन्यथुप्रै विधामा अवार्ड प्रदानगरिएको थियो । उत्कृष्ठ बैँकर्स, उत्कृष्ठ मोटिभेटर, सामाजिक अभियन्ता र सामाजिक रुपान्तरणमा सक्रीय संस्थातथाव्यक्तिहरुलाई अवार्ड प्रदानगरिएको थियो । अवार्ड कार्यक्रममा दुवईकावित्तिय मन्त्री, उच्चपदस्थअधिकारीहरुको समेत विशेष उपस्थितिथियो ।

पोखरा २४ असोज सुर्केमैदान सिर्जनशिल क्लब पोखरा महानगरपालिका २८ कालिकाले जनप्रतिनिधिसँग अन्र्तक्रिया कार्यक्रम गरेको छ । वडामा भइरहेका गतिविधि स्थानियवासीलाई जानकारी गराउने तथा स्थानियले भोग्नु परेका समस्या एवं उनीहरुको गुनासालाई जनप्रतिनिधि समक्ष पु¥याई सम्बोधन गर्ने उद्धेश्यले अन्र्तक्रिया कार्यक्रमको आयोजना गरिएको थियो ।
अन्र्तक्रिया कार्यक्रममा बोल्दै प्रमुख अतिथि जिल्ला समन्वय समितिको कार्यालय कास्कीका प्रमुख वैन बहादुर अधिकारी क्षेत्रीले भौगोलिक बनाबटका कारणले समेत पोखरा २८ मा अपेक्षाकृत विकास हुन नसकेको बताए । विस्तारै विकास निर्माणका कार्यहरु भइरहेपनि बसाईसराई र गाउँबाट पलायन हुनेहरु बढ्दै जाँदा समस्या हुन थालेको उनले औल्याए ।
‘विकास डाँडाकाँडामा सर्दै गएको छ, तर डाँडाकाँडाबाट स्थानिय विस्थापित भइ शहर तिर झर्न थाले, पर्यटकिय स्थल हुन सक्ने जग्गा बाहिरिले किन्न थाले, अब विकास हामिले गर्ने, दुःख भइन्जेल स्थानियले भोग्ने अनि विकासको अनुभुति बाहिरबाट आउनेले गर्ने हो भने विकासले अर्थ राख्दैन’ क्षेत्रीले भने ।
सबैलाई जन्मथलोमा रहने वातावरण बनाउनुपर्ने अहिलेको तड्कारो आवश्यकता भएकोमा उनको जोड थियो । ‘जन्मथलोबाट पलायन हुने क्रम रोक्नुपर्छ, आयआर्जन गरी ढुक्कका साथ यहि बस्ने वातावरण हामि मिलाउछौ’ उनले वाचा गरे । पोखरा २८ का जनताले लामो सयदेखि भोग्दै आएको खानेपानी समस्या र सडक पुर्वाधारको समस्या विस्तारै हल हुदै गएको प्रमुख क्षेत्रीको भनाई थियो ।
पोखरा महानगरपालिका वडा नम्बर २८ का वडाध्यक्ष निर्मल दियाली सुनारले वडाको विकासको लागि योजनाबद्ध ढंगले अगाडी बढेको बताए । छिमेकी वडा तथा वडा कार्यालय देखि वडाका विभिन्न ठाउँमा जाने कनेक्टिङ रोडको तिव्रताका साथ भइरहेको उनको भनाई थियो । ‘सडक मार्ग निर्माण भइरहेको छ, वडाका विभिन्न ठाउँमा देखिएको खानेपानी समस्यालाई समाधान गर्ने काम गर्दै छौ, यहाँ देखिएको बाँदरको समस्या समाधान गर्न प्रयत्न गरेका छौ, यातायातको सहजताको लागि वडाले समन्वय गरिरहेको छ’ उनले भने । निर्वाचनको बेला घोषणापत्रमा राखिएका कार्यहरुलाई पुरा गर्ने हेतुले आफुले काम गरिरहेको उनले बताए । यति हुँदाहुदै पनि क्षेत्रफल धेरै, भौगोलिक जटिलता र सिमित बजेटका कारण अपेक्षाकृत कार्य गर्न समस्या भने परेको उनले प्रष्ट पारे । वडाको विकास र स्थानियका अपेक्षालाई सम्बोधन गर्न हातमा हात, काधमा काध मिलाएर हिड्ने वाचा उनले गरे ।
टोल विकास संस्थाका अध्यक्ष बाबुराम रानाभाटले वडासँग समन्यव गरी कार्य गरिरहेको भएपनि सबैको साथ र सहयोग नहुँदा काम गर्न गाह्रो हुने गरेको बताए ।
सुर्केमैदान सिर्जनशिल क्लबका अध्यक्ष राजाराम पौडेलले जनप्रतिनिधि र स्थानियबिचमा भइरहेका गतिविधि र गुनासालाई एक अर्कामा सञ्चार गर्दै वडाको विकासमा सहजता प्रदान गर्न अन्र्तक्रिया कार्यक्रम गरिएको बताए । अन्र्तक्रिया कार्यक्रममा आएका स्थानियका गुनासा, सुझाब, जिज्ञासालाई वडाध्यक्ष निर्मल दियाली सुनारले सम्बोधन गर्दै निरन्तर गुनासा, सुझाब र जिज्ञासा राख्न अनुरोध गरे ।
पोखरा महानगरपालिका वडा नम्बर २८ को सहयोगमा आयोजित अन्र्तक्रिया कार्यक्रममा स्वागत वरिष्ठ उपाध्यक्ष नवराज पौडेल र सञ्चालन सचिव इश्वर अधिकारीले गरेका थिए ।
सोही अवसरमा क्लबले नेपालीहरुका महान् पर्व विजयादशमी, दिपावली, छठ तथा नेपालसम्वत ११४० को अवसरमा शुभकामना आदान प्रदान समेत गरेको थियो । पोखरा २८ कार्यक्षेत्र रहेको क्लबले विभिन्न सामाजिक कार्यहरु गर्दै आएको छ ।

पोखरा, असोज १६ ।
आनन्दित गृह नेपाल जेष्ठ नागरिक आवासिय तथा दिवा सेवा केन्द्र कास्कीले छौठौ वार्षिक साधारण सभा तथा २९ औ जेष्ठ नागरिक दिवस मनाएको छ । पोखराको माटेपानीमा २०७० सालदेखी सञ्चालनमा आएको आनन्दित गृह नेपालको छैठौ साधारण सभामा वोल्दै प्रमुख अतिथी जेष्ठ नागरिक सरोकार समाजका अध्यक्ष भक्त बहादुर श्रेष्ठले आनन्दित गृह नेपालको कार्यक्रमलाई प्रभावकारी तरिकाले अगाडी वढाउन तथा जेष्ठ नागरिकलाई सहयोग गर्नका लागी राज्यले यस्ता संस्थालाई सहयोग गर्नुपर्ने वताए । श्रेष्ठले आनन्दित गृह जस्तो संस्थालाई जग्गा प्रदान गर्नुपर्नेमा समेत जोड दिए ।

संस्थाको आर्थिक ब्यवस्थापन सल्लाहकार रत्न शाक्यले दिवा सेवा निशुल्क चलाउन गाह्रो हुने वताउदै सहयोगी हातहरु अगाडी वढ्न आवश्यक रहेको वताए । शाक्यले दिवा सेवाको खाजा प्रायोजन गर्न आएका पाहुनाहरुलाई उनको आग्रह गर्दै प्रति महिना १ सय का दरले आगामी ६ वर्षका लागी नगद ६ हजार समेत प्रदान गरेका थिए । संस्थाका आवासिय सदस्य ९६ वर्षिय भीम बहादुर गुरुङले आनन्दित गृह जस्तो संस्थामा बसेर आफुले साहै सुखद जीवनयापन गर्न पाएको र राम्रो हेरचाह पाएकोमा खुसी ब्यक्त गर्दै संस्थाका सञ्चालक शाक्य दम्पती मध्ये कसैलाई केही भएमा यो संस्थाको भविष्य र आश्रित जेष्ठ सदस्यलाई के हुन्छ भन्नेमा आफुहरु चिन्तित रहेको वताए ।

त्यस्तै गञ्ज कुमारी गुरुङले वृद्धाअवस्थामा विभिन्न कारणले गर्दा आमा वुवाहरुलाई घरमा असुविधा तथा एक्लोपन महशुस हुने भएकाले त्यस्ता वृद्धवृद्धाको लागी यो संस्था दिवा तथा आवासिय कार्यक्रम निकै उपयोगी भएको र यसलाई सवैले सहयोग गरी दिने ब्यवस्थापनमा लाग्नुपर्ने वताइन । संस्थाका अध्यक्ष डाक्टर यज्ञमान शाक्यले संस्थाको काम प्रभावकारी ढंगले अगाडी वढाइरहेको भएतानी राज्यले यसबारेमा त्यति चासो नदेखाएको वताउदै राज्यले आफ्नो संस्थाको लागी जग्गा प्रदान गरेको खण्डमा आफ्नो संस्थाबाट भवन निर्माणका लागी ५० लाख प्रदान गर्न तयार रहेको वताए ।

सो अवसरमा प्रमुख अतिथि भक्त बहादुर श्रेष्ठले संस्थालाई रु ११ हजार सहयोग गर्ने प्रतिवद्धता गरे । त्यसैगरी बौद्ध उपासिका महिला संघ मोहोरियाटोलको तर्फबाट नगद ५ हजार ५, मोहन श्रेष्ठबाट १ हजार, किरण चन्द ठकुरीले १ हजार ५, धनकाशी गुरुङले १ हजार प्रदान गरेका थिए । त्यसैगरी भीमलाल लामिछानेले जेष्ठ सदस्यले रु १ लाख ११ हजार १ सय ११ रुपैया संस्थाको अक्षयकोषमा जम्मा गर्नका निम्ति प्रदान गरे ।

डाक्टर यज्ञमान शाक्यको अध्यक्षतामा सम्पन्न कार्यक्रममा जेष्ठ नागरिक सरोकार समाजका सल्लाहकार रविन्द्रमान माकाजु, दिवासेवाका हितमान शाक्य, डाक्टर विश्वकल्याण परजुली लगायतले संस्थाको बारेमा वोलेका थिए । उक्त कार्यक्रमको सञ्चालन छवि गौडेलले गरेका थिएभने संस्थाको वार्षिक प्रगति प्रतिवेदन सविच रोमा राउत शाक्यले प्रस्तुत गरेकी थिइनभने कोषाध्यक्ष मेजरमान बज्राचार्यले आर्थिक प्रतिवेदन पेश गरेका थिए । आनन्दित गृह नेपालको लागी कोष वृद्धि गर्नका लागी यही आउदो कार्तिक २३ गते पोखरामा अष्ट्रेलियन कलाकार केनेड प्रधान र नेपाली कलाकारहरु सनु पौडेल र सीमा संग्रौलाको सांगीतिक प्रदर्शन गर्ने भएको छ ।