पोखरा १४ मंसिर । १३ औ दक्षिण एशियाली खेलकुद प्रतियोगिता सागको पूर्वसन्ध्यामा पोखरामा सामाजिक काममा सक्रिय युनाईटेड क्लवले अमरसिंह चोक परिसर सरसफाइ सहित अमरसिंह चोकमा रहेको आइल्याण्डमा वृक्षारोपण गरेको छ । युनाईटेड क्लवका संस्थापक अध्यक्ष हिमालय बख्रेलको सक्रियतामा क्लवका पदाधिकारीहरुले अमरसिंह चोक वरपर बृहत सरसफाई गरी आइल्याण्डमा विभिन्न प्रकारका फुलका बिरुवाहरु रोपिएको हो ।

साग गेममा पोखरा आउने पाहुनाहरुलाई लक्षित गरी अमरसिंह चोकको आइल्याण्डमा सरसफाइ गरि फुलका विरुवाहरु रोपी हराभरा पारिएको हो । अमरसिंह चोकको आइल्याण्ड पछिल्लो समय झारले ढाकेका कारण अशोभनिय देखिएकाले आफुहरुले दशौ पोखरा महोत्सव समेत नजिकिदै गर्दा सागको पूर्वसन्ध्यामा आइल्याण्ड सरसफाइ सहित फुलका विरुवाहरु रोपिएको क्लका संस्थापक अध्यक्ष हिमालय बख्रेलले वताए ।

पोखरा महानगरपालिकाले आइल्याण्ड साधुरो बनाउने क्रममा आइल्याण्डमा रहेको पोखरीको भाग भत्काउन नसकेपछि लथालिङ्ग अवस्थामा छाडिएको सो आइल्याण्डलाई युनाईटेड क्लवले माटोले पुरेरसंरक्षण गरी दुवो रोपी अमरसिंह थापाको शालिक राखी संरक्षण गर्दै आइरहेको छ ।

पोखरा मंसिर १२ ।
युनाईटेड क्लवको आयोजनामा आगामी पुसको अन्तिम साता पोखराको अमरसिंह चौरमा आयोजना हुने दशौ संस्करणको पोखरा महोत्सवलाई रारा तैयारी चाउ चाउले साथ दिने भएको छ । हिमश्री फुड्सको उत्कृष्ट उत्पादन रारा तैयारी चाउचाउले महोत्सवको मुख्य प्रायोजकको भुमिकामा रही साथ दिने भएको हो । विहीबार हिमश्री फुड्स प्रालिका प्रवन्धक अमित थापा र दशौ पोखरा महोत्सवका प्रायोजक ब्यवस्थापन उपसमितिका संयोजक लिला बहादुर जिसी विच मुख्य प्रायोजकको सम्झौता पत्रमा हस्ताक्षर भएको हो ।

सो अवसरमा वोल्दै हिमश्री फुड्स प्रालिका प्रवन्धक अमित थापाले सामाजिक काममा अग्रणी स्थानमा रहेको युनाईटेड क्लवले आयोजना गर्दै आइरहेको पोखरा महोत्सवलाई विगतका दिनहरुमा पनि हिमश्री फुड्स प्रालिले विभिन्न भुमिकामा रही सहयोग गर्दै आइरहेको र यो पटक मुख्य भुमिकामा रहन पाउदा निकै खुसी लागेको वताउदै आगामी दिनमा हिमश्रीले समेत युनाईटेड क्लवको सामाजिक काममा सहकार्य गरेर अगाडि वढ्ने प्रतिवद्धता ब्यक्त गरे ।
यसैविच पोखरा महोत्सवलाई बैकिङ पार्टनरमा ग्रीन डेभलपमेन्ट बैङक, इन्सुरेन्समा सिद्धार्थ र बाल उद्यानमा कालिका अल नेपाल फेयर एण्ड एक्जिविशन प्रालिको साथ दिने भएको महोत्सव प्रचार प्रसार संयोजक शान्त बहादुर थापाले जानकारी दिए ।

महोत्सवलाई सभ्य र सभ्य रुपमा सफल पार्नका लागी बैकिङ पार्टनरका लागी ग्रीन डेभलपमेन्ट बैङक प्रालिका वरिष्ठ प्रवन्धक हरि बहादुर बुढाथोकी र महोत्सव मुल आयोजक समितिका संयोजक लालकाजी गुरुङ बीच सम्झौता पत्रमा हस्ताक्षर गरी एकले अर्कोलाई सहयोग गर्ने गरी सम्झौता भएको हो । त्यसैगरी विमा पार्टनरमा सिद्धार्थ इन्सुरेन्स प्रालि बुद्धचोक शाखाका प्रमुख कमल बहादुर हमाल र विमा ब्यवस्थापन उपसमिति संयोजक चन्द्र कुमारी पराजुली बीच सम्झौता पत्रमा हस्ताक्षर गरी सम्झौता भएको छ ।

महोत्सवमा वाल उद्यान सञ्चालनका लागि कालिका अल नेपाल फेयर एण्ड एक्जिविशन प्रालिले सहयोग गर्ने भएको छ । महोत्सव वाल उद्यान समिति ब्यवस्थापन उपसमिति संयोजक सन्तोष कार्की र कालिका अल नेपाल फेयर एण्ड एक्जिविशन प्रालिका प्रोप्राइटर विनोद कुमार जिसीबीच सम्झौता पत्रमा हस्ताक्षर भएको छ ।

पुस २९ देखी माघ १२ सम्म पोखराको अमरसिंंह चौरमा आयोजना हुने दशौ संस्करणको पोखरा महोत्सवको ९५ प्रतिशत स्टल बुकिङ सम्पन्न भइसकेको र केही दिनमा सम्पूर्ण स्टल बुकिङ हुने महोत्सव अर्थ तथा स्टल ब्यवस्थापन संयोजक गणेश प्रसाद तिमिल्सिनाले जानकारी दिए ।

युनाईटेड क्लवले विगत १० वर्षदेखी पोखराको अमरसिंह चौरमा पोखरा महोत्सवको आयोजना गरि यो क्षेत्रमा सामाजिक काम गर्दै आइरहेको छ ।

पोखरा, ११ मंसिर । पत्रकार सुरेन्द्र पौडेल युआरएल पत्रकारिता पुरस्कार २०७६ बाट सम्मानित हुने भएका छन् । पुरस्कारको राशि नगद १५ हजार र ताम्रपत्र छ । नेपाल पत्रकार महासंघका कार्यसमिति सदस्य पौडेल आर्थिक आवाज अर्धसाप्ताहिक र आर्थिक अभियान राष्ट्रिय दैनिकमा आवद्ध छन् ।

अग्रज पत्रकार हरि बास्तोला संयोजक र डा. नवराज पौडेल, अधिकारकर्मी रामबहादुर पौडेल, पत्रकार दीपक परियार र स्वास्थ्य पत्रकार यदुनाथ बञ्जारा रहेको छनोट समितिले सुरेन्द्रलाई पुरस्कार दिने निर्णय गरेको हो ।

यसअघि यो पुरस्कारबाट ऋषि खतिवडा र यदुनाथ बञ्जारा सम्मानित भइसकेका छन् । गण्डकी प्रदेशको पहिलो रेफरेन्स ल्याब युनाइटेड रेफरेन्स ल्याबोरेटरी(युआरएल)ले स्थापना गरेको यो पुरस्कार मंसिर २३ गते हुने युआरएलको छैटौं वार्षिकोत्सव समारोहमा वितरण गरिने प्रबन्ध निर्देशक ठाकुरप्रसाद पन्तले जानकारी दिए ।

पोखरा  । पोखरा महानगरपालिकामा नयाँ वडाको रुपमा पछि समावेश गरिएको वडा नं. १९ मा विकास निर्माणका कामले तिव्रता पाएका छन् ।महानगर भित्रै रहेर पनि विकासमा पछाडी परेको वडा नं. १९ को घार्मीमा अहिले पक्की सडक, सुविधा सम्पन्न स्वास्थ्य चौकी र एक घर एक धारा अन्र्तगत खानेपानी आयोजनाको निर्माण कार्य तिव्र रुपमा भैरहेका छन् । जनताले पाउनु पर्ने आधारभुत सुविधा पनि नपाउँदा त्यस क्षेत्रका वासिन्दाले वषौ देखि समस्या झेल्दै आइरहेको भएता पनि अव केही महिना भित्रै ति समस्यावाट भने मुक्ति पाउने भएका छन् ।

लामाचौर स्वास्थ्य चौकीको पक्की भवनको निर्माण कार्य पनि तिव्र गतिमा भैरहेको छ। सामान ढुवानी र पानीका कारण केही समय निर्माण कार्य सुस्त भएपनि दुई सातादेखि काम तिव्र रुपमा भैरहेको ईन्जिनियर महेन्द्र वास्तोलाले जानकारी दिनुभयो । भवन निर्माणमा सुस्तता भएको जानकारी पाउने वितिक्कै त्यहाँको अनुगमनमा पुग्नु भएका वडाध्यक्ष शोभामोहन पौडेल वडा सदस्य कृष्ण गौतम र स्थानिय डिल्लीराम पौडेलले ठेकेदार कम्पनीका प्रमुख प्रदीप कंडेल, ईन्जिनियर महेन्द्र वास्तोला, सुपरभाईजर राजु चौधरीसँग निर्माणका विषयमा छलफल गरेका छन् ।

ठेकेदार कम्पनीका प्रमुख प्रदीप कंडेलले भौगोलिक अवस्थाले पनि तिव्र रुपमा काम गर्न केही कठिनाई भएको वताउँदै अव काममा सुस्तता नआउने र पर्याप्त मात्रामा कामदार खटाईएको वताउनुभयो । वडाध्यक्ष शोभामोहन पौडेलले गुणस्तरयुक्त भवन निर्माणमा कुनै कन्जुस्याई नगर्न र सम्झौता वमोजिम समयमै काम सम्पन्न गर्न सुझाव दिनुभयो ।उहाँले छिट्टै सुविधा सम्पन्न भवनवाट त्यस क्षेत्रका वासिन्दाले स्वास्थ्य सेवा प्राप्त गर्ने विश्वास व्यक्त गर्नुभयो ।

राष्टिय पुर्ननिर्माण प्राधिकरण जिल्ला कार्यान्वयन ईकाइको १ करोड ३० लाख रुपैयाको लागतमा निर्माण भैरहेको २ तले १४ कोठे भवन आगामी असोज मसान्त भित्र निर्माण सम्पन्न गर्ने गरी काठमाण्डौंको डा«गन कन्स्ट्रक्सन जे भीले ठेक्का लिएको हो । त्यस्तै टोलीले लिफ्टीङ्ग खानेपानी योजनाको समेत अनुगमन गरेको छ । टोलीले भुमेपुज्नेमा निर्माण भएको २ लाख लिटर क्षमताको मुख्य टंकीको अवलोकन गरेको सचिव डिल्लीराम पौडेलले जानकारी दिनुभयो ।

योजना अन्र्तगत मुख्य र शाखा टंकी निर्माण भैसकेको , अव विद्युत र शाखा धाराको लाईन विस्तारको काम वाँकी रहेको छ । वडाध्यक्ष पौडेल, वडा सदस्य गौतमले अवको केही महिना भित्र वाँकी काम पुरा गरी घार्मीमा एक घर एक धारा पु्याईने वताउनुभयो । वषैदेखि घार्मीवासी खानेपानी सडक र स्वास्थ्य सेवावाट पिडित भएको स्मरण गर्दै उहाँले अव छिट्टै समस्या समाधान हुने स्पष्ट पार्नुभयो । टोलीले गुराँस पधेरामा निर्माणाधिन वहुउद्घेश्य भवनको पनि निरीक्षण गरेको थियो । पछिल्लो समय स्थानिय तहको सक्रियतामै वडाभित्र विकास निर्माणले तिव्रता पाएका छन् ।

पोखरा । नेकपाका अध्यक्ष पुष्पकमल दाहाल प्रचण्डले नेपाली कांग्रेसले झुटको खेती गरेर अगाडि वढे कांग्रेसको अस्तित्वनै समाप्त हुने वताएका छन । प्रचण्डले नेपाली कांग्रेसका सभापति शेर बहादुर देउवाले भोटका लागी झुट वोलेर आफ्नो पार्टीको अस्तित्वनै समाप्त गर्न लागेको वताउदै नेपाली कांग्रेसलाई पार्टी भित्र आत्मसमिक्षा गर्न समेत आग्रह गरेका छन । कास्की क्षेत्र नम्बर दुईको उपनिर्वाचनलाई लक्षित गरी पोखरामा आयोजित खुल्ला सभालाई सम्बोधन गर्दैै नेकपा अध्यक्ष प्रचण्डले नेपाली कांग्रेसका सभापति शेर बहादुर देउवाले भोटका लागी पार्टीको अस्तित्वनै समाप्त हुने गरी भाषण गर्दै हिडिरहेको वताएका हुन ।

विस्तृत शान्ति सम्झौताका हस्ति पूर्व प्रधानमन्त्री गिरिजाप्रसाद कोइरालाको नेपाली कांग्रेस पार्टीका सभापति देउवाले झुटको खेती गर्दै अगाडि वढिरहदा आफु निकै चिन्तित रहेको वताउदै यसरीनै झुट वोलेर अगाडि वढिरहे जनताले नेपाली कांग्रेसलाई पाखा लगाएर नेपाली कांग्रेसको अस्तित्वनै समाप्त पारिदिने वताए । प्रचण्डले भने प्रमुख प्रतिपक्षमा रहेको नेपाली कांग्रेस वलियो प्रतिपक्ष बन्न नसकी ओरालो लाइरहेको अवस्थामा यसरीनै राष्ट्रिय एकताको विषयमा झुटको खेती गरेर अगाडी वढे कांग्रेसको अस्तित्वनै संकटमा पर्छ । ‘होइन भने तपाइँहरु जसरी ओरालो लाग्नु भएको छ त्यसरी नै नेपालको इतिहासको किम्बदन्तीमा नेपाली कांग्रेस भन्ने थियो भन्ने अबस्थामा पुग्न कत्ति बेर छैन । म त्यस्तो नहोस भन्न चाहन्छु,’ प्रचण्डले भने, ‘प्रतिपक्षी पनि राम्रै ठाउँमा रहोस भन्ने चाहन्छु ।

राष्ट्रियताको विषयमा सम्पूर्ण दलहरु मिलेर कालापानीबाट भारतिय सेना हटाउनुपर्ने वेलामा शेरवहादुर देउवा पोखरा आएर राष्ट्रियताको विषयमा गलत टिप्पणी गरेको उनको आरोप रहेको थियो । नेकपाको उमेद्वार विद्या भट्टराई जस्तो प्राज्ञीक क्षेत्रको मान्छे पाउँदा यहाँको जनता सौभाग्यशाली रहेको वताउदै प्रचण्डले कसैको श्रीमती हुँदैमा नेकपाले विद्यालाई चुनावमा उठाएको नभएको वताए । कार्यक्रममा पूर्व सभामुख सुभाष नेम्वाङ वरिष्ठ नेता बामदेव गौतम लगायतले सम्बोधन गरेका थिए ।

पोखरा, १० मंसिर । नेकपा कास्की २ का उम्मेदवार विद्या भट्टराई अधिकारीले परिस्थितिले आफूलाई सक्रिय राजनीतिक मैदानमा ल्याएको उल्लेख गर्दै एजेन्डा र विचारको राजनीतिमै अबको जीवन लगाउने प्रतिवद्धता गरेकी छन् । अकस्मात भोग्नुपरेको दुर्घटनामा जीवनसाथी गुमाएपछि आँसु पुछेर आफू चुनावी मैदानमा आएको उनले बताइन् । नेकपाको चुनावी प्रचारप्रसार तथा घरदैलोमा पोखरा २० मौजामा भएको कार्यक्रममा उनले भनिन म आँसुको राजनीति गर्न आएकी हैन, बाँकी भएको आँसु पनि पुछेर आएकी छु । अब जनताका दुःख निवारण गर्दै सबैको आँसु पुच्छु ।’

भट्टराईले आफू समृद्ध नेपाल, सुखी नेपालीको संवाहक बन्ने प्रतिवद्धतासमेत गरिन् । मतदातासँग उनले विभेद मुक्त समाज निर्माण गरी सबैलाई आत्मनिर्भर बनाउन नेतृत्वदायी भूमिका खेल्ने वाचा गरिन । मोहरिया, मौजा भलामको बाटो निर्माण सम्पन्न गर्ने, आँटीघर मौजालाई पर्यटकीय क्षेत्र बनाउने र यो क्षेत्रमा कृषि र पशुपालनलाई व्यवसायीकरण गर्ने उनले सुनाइन ।

नेकपा केन्द्रीय सदस्य श्रीनाथ बरालले समृद्धिको जग राख्ने नेकपालाई समृद्धिको सारथि बन्ने जिम्मा जनताले दिइसकेको बताए । प्रदेशसभा सदस्य मनबहादुर गुरुङले अबको २ वर्षमा कुनै नेपाली सुकुम्बासी नरहने दाबी गरे । उनले भने, ‘सरकारले कानुन बनाइसकेको छ । अब केही नेपाली भूमिहीन हुनु पर्दैन ।’ कार्यक्रममा नेकपा पोखरा २० का चुनावी कमान्डर विश्वप्रकाश लामिछाने, नेकपा २० अध्यक्ष भीमप्रसाद बास्तोला, स्थानीय दुर्गाबहादुर गुरु, हरिप्रसाद गुरु, गञ्जमान गुरु, पोखरा २० का प्रचारप्रसार संयोजक सुशील बस्नेत लगायतले बोलेका थिए ।

मंगलबार इन्दुपाखाका १ दर्जन स्थानीय नेकपा प्रवेश गरेका छन् । यसरी विभिन्न पार्टी परित्याग गरी नेकपा प्रवेश गर्नेमा धनबहादुर गुरुङ क, धनबहादुर गुरुङ ख, कर्णबहादु गुरुङ, मीनबहादुर गुरुङ, प्रीतिमान गुरुङ, चीजबहादुर गुरुङ लगायत छन् । उनीहरुलाई नेकपा केन्द्रीय सदस्य श्रीनाथ बराल, उममेदवार विद्या भट्टराई र वडाका चुनावी कमान्डर विश्वप्रकाश लामिछानेले स्वागत गरे । घरदैलोमा कलाकारहरु कृष्ण भण्डारी, शिवहरि ढुंगाना, मनकुमार श्रेष्ठ लगायतले सांस्कृतिक प्रस्तुति राखेका छन ।

आफूले टेकेकै धर्ती कमजोर पार्ने ?:  देव गुरुङ

नेकपा प्रमुख सचेतक देव गुरुङले देश र राष्ट्रिय स्वाधीनताभन्दा महत्वपूर्ण विषय केही नभएको बताएका छन् । उनले प्रतिपक्षी नेपाली कांग्रेस र विप्लव नेतृत्वको नेकपाले टेकेकै धर्तीलाई कमजोर बनाउने काम गरिरहेको आरोप लगाए । उनले भने, ‘जहाँ टेक्ने, त्यही धर्तीलाई कमजोर बनाउने ? यसो गर्नेलाई जनताले चिनेका छन् ।’ संविधानमै त्रुटि भए पनि त्यसलाई परिमार्जन गर्न सकिने विचार राख्दै उनले देशको स्वाधीनतामाथि खेलवाड नगर्न चेतावनी दिए ।कांग्रेसले सरकारको नेतृत्व गर्दा देशलाई कमजोर बनाएका उदाहरण पेश गर्दै उनले पटक पटक साम्राज्यवादी, सामन्तसँग घुँडा टेक्नेहरु लोकतन्त्रको पहरेदार हुनै नसक्ने तर्क गरे ।

नेकपा गण्डकी सहइन्चार्ज खगराज अधिकारीले प्रतिपक्षकै शैली बदल्न उपचुनावले शिक्षा दिने तर्क गरे । उनले कांग्रेसको सरकार भएका बेला कालापानीको प्रस्ताव संसदमा आउँदा कांग्रेसका सचेतकले विरोध गरेको र तत्कालीन सभामुख रामचन्द्र पौडेलले त्यसलाई रोकेको स्मरण गरे । उनले भने, ‘देउवाजी कहिलेदेखि भारतीय गुप्तचर बन्नु भो, म यो भन्न चाहन्न तर उहाँलाई प्रधानमन्त्रीको सहमतिमा नक्सा जारी भएको कसरी थाहा भयो ?’ कमजोर, हतास हुँदै गएपछि पराजित मानसिकताले आरोप प्रत्यारोपमा उत्रिनुभन्दा स्वस्थ प्रतिश्पर्धामा विश्वास गर्न कांग्रेसलाई उनले आग्रह गरे ।

नेकपा कास्की अध्यक्ष कृष्ण थापाले पोखरा ३३ का वडाध्यक्षको गाडीमा विस्फोट भएपछि आमसभालाई विरोधसभाको रुप दिनुपरेको बताए । उनले नेकपाले प्रचण्ड बहुमतले जित्ने सुनिश्चित भएकाले घुसपेठ हुन सक्नेतर्फ मतदातालाई सचेत गराए । थापाले भने, ‘घुसपेठ गर्न, मत किनबेच गर्न खोज्नेलाई समात्नुस् । मतदाताले कारवाही गरे नेकपाले त्यस्तालाई जोगाउन सक्दैन ।’ सभामा नेकपा पोखरा १७ अध्यक्ष सुवास ढुंगाना र सचिव ईश्वरी लम्सालले पनि बोलेका थिए ।

११ मा बुद्धिजीवी भेला

उम्मेदवार विद्या भट्टराई अधिकारीलाई विजयी गराउन वडा नं ११ का बुद्धिजिवी लागेका छन् । नेकपाले मात्र शोषित पीडित, श्रमजीवी लगायत बौद्धिक वर्गको सुरक्षा र सम्मान गर्दै हक, अधिकार सुनिश्चित गर्ने सक्ने भएकाले नेकपा उम्मेदवारलाई विजयी गराउनुपर्ने बुद्धिजिवी परिचालन समिति संयोजक पदम दवाडीले बताए । मंगलबार भएको भेलाले विभिन्न पाँच समूह निर्माण गरी वडाका विभिन्न टोल टोलमा पुगेर उम्मेदवार भट्टराईलाई विजयी गराउन मत माग्ने भएको छ ।भेलामा वडाका चुनावी कमाण्डर चूडामणि जंगलीले विद्याको जित सुनिश्चित भइसकेको दाबी गरे ।

घरदैलो सकियो, आज चुनावीसभा

नेकपाले चुनावी अभियान अन्तर्गत कास्की २ का ११ वटै वडामा थालेको घरदैलो मंगलबार सकिएको छ । पोखरा ४ मा मंगलबार भएको घरदैलोमा रामबहादुर कोइराला, रामजी गौतम, विष्णुहरि पौडेल र नर्वदा अधिकारी नेतृत्वका टोलीले वडाका विभिन्न क्षेत्रमा पुगी मत मागेको छ । पोखरा ९ का टोलहरुमा गठन गरिएका निर्वाचन परिचालन कमिटीको बैठक भएको छ । पोखरा १५ मा शिवशक्ति टोल, निर्मल टोल लगायतका स्थानमा कोणसभा भएका छन । चुनावी कमान्डर बखान सिंह तमुले एजेन्डा र आवश्यकतालाई मूल्यांकन गरी फेरि पनि जनताले नेकपालाई अत्यधिक मत दिने बताए ।

पोखरा २१ कृष्ति नाच्नेचौरको व्युलीपीपल र राम्नीमा वडास्तरीय चुनावी सभा भएका छन् । सभालाई नेता खगराज अधिकारी, ठाकुर गैह«े, चुनावी कमान्डर दीपक पौडेल लगायतले सम्बोधन गरे । वडा नं ७, ८ १६, र ३३ मा पनि मतदाता केन्द्रित घरदैलो, कोणसभा, र टोल कमिटी बैठक भएका छन । बुधबार नेकपाको मुख्य चुनावी सभा पोखरा नयाँबजारको प्रदर्शनी केन्द्रमा हुनेछ । नेकपा चुनाव प्रचारप्रसार समिति संयोजक त्रिभुवन पौडेलले निर्वाचन हुने पोखरा महानगरका ११ वटै वडाका बासिन्दालाई बाजागाजसहित हुने ¥याली र सभामा सहभागी हुन अनुरोध गरे ।

सभालाई नेकपा अध्यक्ष एवं प्रधानमन्त्री केपी शर्मा ओली लगायतका नेताले सम्बोधन गर्ने छन् । उनले विपक्षीले जनतामा छरेका भ्रम निवारण गर्ने र पार्टीका एजेन्डा बुझाउने मौका मिलेको उल्लेख गरे । संयोजक पौडेलले भने, ‘जनताका सुझाव, माग, मर्का, दुःख फेरि मिहिन ढंगले बुझ्ने मौका मिल्यो । अब विकासको रोडम्याप बनाउँदा ती कुरालाई प्रभावकारी रुपमा सम्बोधन गर्छाैं ।’

मंसिर १०, पोखरा । ‘जनता माथि गरिएको विश्वासघातको नतिजा उपनिर्वाचनले दिन्छ, अब साझा पार्टीबाहेक अरु विकल्प छैन्, तराजुले सबैको न्याय गर्छ,’ मंगलबार पोखराको सिद्धार्थ चोकमा आयोजित कोणसभालाई सम्बोधन गर्दै साझा पार्टीका तर्फबाट कास्की २ मा उम्मेदवार बनेकी रजनी केसीले भनिन् ।

उनले कास्की २ का जनताले नेतृत्वलाई कमी कमजोरी सुधार गर्ने राम्रो अवसर पाएको भन्दै त्यसको सदु¥योग गर्न आग्रह गरिन् । जनताले कम्युनिष्ट र कांग्रेसको विकल्प खोजी रहेको बताइन् । उनले भनिन्, ‘घरदैलोमा जनतासँग संवाद गर्दा विकल्पको खोजी गरिरहेको मैले पाएँ, अब देशमा कम्युनिष्ट र कांग्रेसको विकल्प भनेको साझा पार्टी मात्र हो ।’ काण्डैकाण्डमा मुछिएका पार्टीबाट विकास र सुशासनको आशा गर्नु व्यर्थ हुने उनको ठम्याई छ । संसदमा २ सय ७५ जना सांसदले नउठाएको कुरा आफूले उठाउने उनले दाबी गरिन् ।

नागरिकलाई स्वतन्त्र बनेर बस्न पाउनु पर्ने अधिकारलाई पार्टीले सुनिश्चित गर्ने उम्मेदवार केसीको भनाइ छ । ‘स्वतन्त्र भएर मतदान गर्नुपर्ने नागरिकले आफ्नो मत स्वतन्त्र भएर खसाल्न पाएका छैनन्, हामी नागरिकको स्वतन्त्र हुने अधिकारलाई सुनिश्चित गर्छौँ ।’

उम्मेदवार केसीले साझा पार्टी सधैँ पेशागत र विद्यार्थी संघ संगठन खारेज गर्नुपर्ने पक्षमा रहेको स्पष्ट पारिन् । ‘देशमा कसैलाई बाँकी छोडिएको छैन, सबैलाई पार्टीको दास बनाइएको छ, साझा पार्टी यस्ता संगठन खारेज गर्ने पक्षमा छ,’ उनले भनिन् । छिमेकीले आफ्नो देशको भूमि मिच्दा पनि सरकार चुपचाप लागेर बसेको भन्दै उनले रोष प्रकट गरिन् ।

नेताहरु भ्रष्टाचारी बन्दा देश बर्बाद भयो : संयोजक मिश्र

यस्तै सभालाई सम्बोधन गर्दै पार्टीका केन्द्रिय संयोजक रवीन्द्र मिश्रले ३० वर्षदेखि पालैपाले सत्ता चलाइरहेका नेताहरु भ्रष्टाचारी बन्दा देश बर्बाद पारेको बताए । उपनिर्वाचनमा मत बदलेर देश विकासको सारथी बन्न उनले आग्रह गरे । मतदातालाई लक्षित गर्दै संयोजक मिश्रले भने, ‘कुनै पार्टी प्रति आस्था राख्नु हुन्छ भने उपनिर्वाचन पार्टीेले गरेका गल्ती सुधार्ने मौका हो ।’ साझा पार्टीले कहिँकतै गल्ती गरेको भए सधार गर्ने मौका र सुझाव दिन उनले आग्रह गरे ।

सभामा बोल्दै पार्टीका प्रवक्ता डा. सूर्यराज आचार्यले विकासका लागि राजनीति गर्ने नेताहरुका कारण नै विश्वका धेरै देशले छोटो समयमा परिवर्तनको गति लिएको बताए । उनले उपनिर्वाचनमा सही नेता छनोट गरेर पठाउन उनले आग्रह गरे । ‘विश्वमा छोटो समयमा नै परिवर्तनको गति लिएका दर्जनौँ देश छन्, त्यहाँका नेतालाई विकास भन्ने थाहा भयो र परिवर्तन भयो, हाम्रामा त्यस्ता नेता नभएकाले पछि प¥यौँ ।’

यस्तै पोखरा ४ गणेश टोलमा आयोजित कोण सभालाई सम्बोधन गर्दै पार्टीका केन्द्रिय सदस्य सुशिला केसी अधिकारीले जनताले पार्टी प्रति गरेको विश्वासले आफू उर्जा थप गरेको बताइन् । उनले समयको परिवर्तनसँगै पूरै देश साझामय बन्ने दाबी गरिन् । चुनावी अभियान अन्तर्गत कास्की २ का ११ वटै वडामा घरदैलो कार्यक्रम सकिएको छ । पार्टीले मंगलबार पोखराको सिद्धार्थ चोक, गणेश टोल, महेन्द्रपुल, गैह्रापाटनलगायतका ठाउँमा कोणसभा गरेको थयो ।

पोखरा, १० मंसिर । नेपाली कांग्रेसका वरिष्ठ नेता रामचन्द्र पौडेलले लोकतन्त्रमाथिको हस्तक्षेप स्वीकार्य नहुने चेतावनी दिएका छन् । नेपाली कांग्रेस, पोखरा–८ ले आयोजना गरेको चुनावीसभामा नेता पौडेलले सरकारले लोकतन्त्रका उपलब्धिमाथि कब्जा जमाउन खोजेको आरोप लगाए । उनले दुई तिहाइको आडमा ओली सरकार निरंकुश बन्दै गएको बताए ।

नेता पौडेलले सीमा विवाद समाधानका लागि सरकारले पहल गर्न नसकेको आरोप समेत लगाए । उनले सरकाले राष्ट्रवादको नारा दिए पनि त्योअनुसार काम गर्न नसकेको बताए । ‘कूटनीतिक र वार्ताको माध्यमद्वारा सरकारले तत्काल सीमा विवाद समाधान गर्नुपर्छ,’ वरिष्ठ नेता पौडेलले भने, ‘कालापानी, लिपुलेक र लिम्पियाधुरा नेपालको भूमि हो ।’ पौडेलले अब मंसिर १४ गते हुने उपनिर्वाचनमा लोकतन्त्रलाई बचाउन पनि कांग्रेसलाई विजय गराउन आग्रह गरे ।
‘कास्की विद्या, वुद्धि र विवेकको उर्वर भूमि हो ।

यहाँका जनताले बुद्धि र विवेक पु¥याएर मतदान गर्नुपर्छ’, उनले भने, ‘कम्युनिष्ट आचारण राम्रोसंग बुझ्नुस् अनि आफ्नो विवेकले मत दिनुस् ।’ पौडेलले नेपालका कम्युनिस्टहरू असफल भइसकेको र उनीहरुबाट नेपाल अघि बढ्न सक्दैन भन्ने तथ्य पुस्टि भइसकेको दाबी गरे । केपी ओली नेतृत्वको सरकारले २ वर्षको अवधिमै कम्युनिष्टहरू असफल भएको सावित गरेको उनको दाबी थियो ।

नेता पौडेलले नेपाली जनतामा कम्युनिष्टप्रतिको मोहभंग भइसकेको बताए । उनले समृद्धि ल्याउँछु भनी सपना देखाएको कम्युनिष्ट सरकारको पालामा भ्रष्टाचार र महंगीमात्रै बढेको बताए । ‘नेपाली जनतामा कम्युनिस्ट सरकारले चमत्कारै गर्ला भन्ने विश्वास थियो । समृद्धिको ठूलै सपना देखाइएको थियो । जनता सपनामा भुलेका पनि थिए’, नेता पौडेलले भने, ‘तर अहिले आएर त्यो झूट थियो, भूलभूलैया थियो भन्ने सावित भयो भयो ।’ उनले कम्युनिस्टले नेपाल नचल्ने र समृद्धि तथा सुशासनसमेत नआउने ठोकुवा गरे ।

नेता पौडेल कम्युनिस्ट आफ्नै कारण सकिन लागेको भन्दै कम्युनिष्टको अन्त्यबाट कांग्रेसले पनि पाठ सिक्नुपर्नेमा जोड दिए । कम्युनिष्ट सिद्धान्तमै कमजोरी रहेकैले नेपालमा पनि कम्युनिष्टहरु सकिने दिशा गएको उनको जिकिर थियो । ‘कम्युनिष्ट सिद्धान्तमै कमजोरी थियो, विरोधाभाष र अन्तरद्वन्द्व थियो’, नेता पौडेलले थपे, ‘त्यसैले कम्युनिस्टहरू नेपालमा पनि आफ्नै कारणले सकिँदैछन् ।’

उम्मेदवार खेमराज पौडेल आफ्नो पनि गुरु भएको स्मरण गर्दै नेता पौडेलले उहाँ जत्तिको इमान्दार पण्डित नेतालाई जिताएर पठाए कस्केली जनताको पनि इज्जत बढ्ने स्पष्ट पारे । पार्टीका सहमहामन्त्री डा. प्रकाशशरण महतले मंसिर १४ गते हुने उपनिर्वाचनले वर्तमान सरकारलाई सशक्त सन्देश दिने बताए । नेकपा सरकारको २ वर्षबाट जनता आजित भएकाले उपनिर्वाचनमार्फत सन्देश दिने स्पष्ट पारे ।

‘यो २ वर्षको अवधिमा सरकारलाई जनताले हेरेका छन् । सरकारमा बस्ने पार्टीका नेताहरुले जनतालाई जुन आश्वासन दिएका थिए, जुन सपना कम्युनिष्ट पार्टीका नेताहरुले बाँडेका थिए, ती कुनै पनि पूरा भएनन् । जनता अहिले निराश छन्,’ उनले भने । उनले मुलुकमा यतिवेला मूल्यवृद्धि संस्थागत भइरहेको बताए । कर बढिरहेको र आस्थाका आधारमा सेवासुविधामा भेदभाव भइरहेको पनि उनको टिप्पणी छ । उनले भने, ‘जनताका पिरमार्काप्रति सरकार पुरै उदासीन छ । राज्य संयन्त्र, संवैधानिक निकायलाई र पुलिस प्रशासनलाई सरकारले आफ्नो छायाँमा राख्ने कोशिश गरिरहेको छ ।’

उनले भने,‘यो उपनिर्वाचनको परिणाम हाम्रो पक्षमा आउँछ । म्म नेपाली कांग्रेसको पक्षमा ठूलो उत्साह र समर्थन छ । हामी सबै एकतावद्ध भएर लागेका छौं । तर, यो सरकार हुने हदसम्म धाँधली गरेर भए पनि आफ्नो पक्षमा परिणाम ल्याउने कोसिसमा छ,’ उनले भने । नेपाली कांग्रेसका प्रवक्ता विश्वप्रकाश शर्माले मन्त्रीमण्डल हेरफेरले नै नेकपा नेतृत्वको सरकारको असफलता उजागर भएकाआरोप लगाए । उनले सरकार असफल भएको पुष्टि भएको जिकिर गर्दै भने,‘हामीले भन्दै आएको कुरा आज पुष्टि भएको छ । असफल मन्त्री भन्दै प्रधानमन्त्रीले मन्त्री फेरेको विषयले यो सरकार असफलताको थप पुष्टि भएको छ ।’

प्रवक्ता शर्माले सरकारले पूरा गर्न नसकेका कुरा जिम्मेवार प्रतिपक्षीको हिसाबले कांग्रेसले एकएक हिसाब गरेर बसेको बताए । ‘आजको जिम्मेवार प्रतिपक्ष भोलिको सत्तापक्ष हो, हामी चुपचाप यो करणले छैनौं कि सडकमा कम्युनिष्ट साथिहरुको जस्तो ढुँगामुडा गरेर प्रतिपक्षीको व्यवहार प्रस्तुत गरेका छैनौं’, उनले भने । प्रवक्ता शर्माले सरकारका कमजोरीलाई लिपिबद्ध गरेर भर्खरै सार्वजनिक गरेको भन्दै अहिले हुन गइरहेको उपनिर्वाचन सरकारले कामको मूल्यांकन गर्ने अवसर भएको बताए । उनले भने, ‘हामीले भन्ने पर्दैन सरकारप्रति जनताको स्पष्ट धारणा अब मतमा अभिव्यक्त हुन्छ ।’ शर्माले कांग्रेसलाई अब धेरै दिन प्रतिपक्षमा नबस् भन्ने सन्देश जनताबाट आउने बताए ।

शर्माले लोकतन्त्र र संघीयतालाई संस्थागत गरेर अघि बढ्नुपर्ने भन्दै लोकतन्त्र र संघीयता संस्थागत गर्नु नै कांग्रेसको मुख्य एजेण्डा भएको बताए । कांग्रेसले लिएको विचार, बाटो र संसदीय व्यवस्थाबाट मात्रै देश अगाडि बढ्न सक्ने उनको दाबी थियो । ‘साझारूपमा प्राप्त भएका उपलब्धिलाई संस्थागत गर्दै बाँकी रहेका कार्यभार पनि साझारूपमै हल गर्नुपर्छ,’ शर्माले भने, ‘सत्ताप्राप्ति अधिनायकवाद र बल प्रयोगबाट होइन, लोकतन्त्रको बाटोबाट रूपान्तरित भएर आउनुपर्छ ।’ राजनीतिलाई राम्रो बनाउनुपर्ने जोड दिँदै नेता शर्माले राजनीतिक रूपान्तरण नै अबको साझा दायित्व भएको बताए । मधेसका मुद्दा, जनजातिका मुद्दा र नेत्रविक्रम चन्द समूहको विद्रोहलाई सम्बोधन गर्न कम्युनिष्ट पार्टी र सरकार सच्चिनुपर्ने उनको भनाई थियो ।

देशमा देखापरेका राजनीतिक मुद्दालाई समाधान गर्न कांग्रेसले सरकारलाई सहयोग गर्न चाहेको उल्लेख गर्दै शर्माले कम्युनिष्ट सरकारलाई आफ्नो जिम्मेवारी इमान्दारीपूर्वक पूरा गर्न आग्रह गरे ।
देश निर्माणमा प्रवासी नेपालीको भूमिका महत्वपूर्ण रहेको उल्लेख गर्दै नेता शर्माले संविधानले व्यवस्था गरेबमोजिम प्रवासी नेपालीलाई नागरिकताको व्यवस्था गरिने बताए । ‘विदेशबाट पठाएको नोट चल्ने तर, भोट चाहिँ किन नचल्ने?’ प्रश्न गर्दै शर्माले मताधिकार र सम्पत्तिको स्वामित्वसहितको नागरिकताका लागि कांग्रेसले पहल गर्ने बताए । कार्यक्रममा नेताहरू प्रदीप गिरी, धनराज गुरुङ, तारानाथ रानाभाट, सुवास सिग्देल, शारदा गिरी, कृष्णमान ठुसाजू लगायतले बोलेका थिए ।

मुलुक, लोकतन्त्र र संविधानमाथि खतरा छ : केसी

नेपाली कांग्रेसका केन्द्रीय सदस्य अर्जुननरसिंह केसीले अहिलेको खेमराज पौडेल र कम्युनिष्ट विचको लडाइँ नभएर चुनाव सदाचार र विविचार, न्याय र अन्याय, स्वतन्त्रता र निरंकुशता बीचको लडाइँ भएको बताएका छन् । पोखरा–२०, भलाममा आयोजित चुनावीसभामा नेता केसीले अहिलेको राजनीतिक परिस्थितिलाई विष्लेषण, संस्लेषण र विहंगम विचार गरेर मतदान गर्नुपर्नेमा जोड दिए ।

उम्मेदवार पौडेल लोकतन्त्रप्रतिको निष्ठा, त्याग र समर्पणबाट विभूषित व्यक्तित्व भएकाले उहाँले यो चुनाव जित्न आवश्यक भएको भन्दै उम्मेदवार पौडेल जत्तिका पाका नेता अन्य कोही हुन नसक्ने बताए । मुलुकको समस्यालाई समाधान गर्न सक्ने पार्टी नेपाली कांग्रेसमात्र भएको भन्दै उनले कांग्रेसले जनता सामू गरेका वाचा सधैं पूरा गरेको स्पष्ट पारे । नेपाली कांग्रेस लोकतान्त्रिक पद्धति भन्दा बाहिर कहिल्यै नगएको दावी गर्दै अहिले मुलुक, लोकतन्त्र र संविधानमाथि खतरा रहेको उनले बताए । । ‘भ्रष्ट्राचार सुन्न सक्दिन भनेर भाषण गर्ने प्रधानमन्त्रीलाई भ्रष्ट्राचारलेनै घेरेको छ’, उनले आरोप लगाए ।

सत्य, सदाचार, न्याय, स्वतन्त्रता र लोकतन्त्रको पक्षमा उभिनुपर्ने अवस्था आएकाले यो चुनाव कांग्रेसले जित्नुपर्ने खाँचो औंल्याए सत्य, सदाचार, न्याय र लोकतन्त्रको सुरक्षाको वातावरण सिर्जना गर्न यसपटक कांगे्रसलाई मतप्रदान गर्न कास्की २ का आम नागरिकलाई उनको आग्रह छ । पार्टीका सहमहामन्त्री डा. प्रकाश शरण महतले ओली सरकार लिक भन्दा बाहिर गएकाले सरकारलाई लोकतान्त्रिक पद्धतिमा ल्याउन पनि खेमराज पौडेलले चुनाव जित्नुपर्ने खाँचो औंल्याए ।

कांंगे्रसका प्रवक्ता विश्वप्रकाश शर्माले अहिलेको सरकारले अनावश्यक सपना मात्रै बाँडेको बताए । ‘सपना ठिक्क हुनुपर्छ’, उनले भने, ‘सक्ने सपनामात्र पूरा हुन्छ नसक्ने होइन ।’ उनले खेमराज पौडेल भोलि चुनाव जितेर गएपछि संसदमा बोल्दै गर्दा कास्कीका नागरिक बोलेको आभास हुने बताए ।

उनले काँग्रेस जिते पनि हारे पनि जेठो थियो, जेठो हो र जेठो रहने बताए । घरमा एउटा जेठो छोरोको दायित्व जस्तो हुन्छ त्यस्तै हो सरकार बनाउनमा नेपाली कांगे्रसको दायित्व, यो सबैलाई बुझ्न उनले आग्रह गरे । सरकारलाई ढंग पु¥याएर काम गर है भन्न कास्की–२ को उपचुनावमा खेमराज पौडेलले जिताउनै पर्ने उनको धारणा थियो । उम्मेदवार खेमराज पौडेलले जनताको अपेक्षा माथि ठोस पुग्न नदिने बताए । पौडेलले अहिलेको चुनाव भनेको जनताको शक्ति देखाउने चुनाव भएको बताए ।

३ पटकसम्म नेकपाले यो क्षेत्रमा जितेर के गरे ? भलामका जनताले मूल्याङ्कन गर्नुपर्ने दिन भएको उनले उल्लेख गरे । आफ्नो उम्मेद्वारी कुनै व्यक्ति, पार्टी वा उम्मेदवार सँग नभएर भ्रष्ट्राचार विरुद्ध रहेको पौडेलले बताए । निर्वाचनबाटै बनेको सरकारले २१ महिनामा गरेको कामको मूल्याङ्कनका आधारमा कास्की २ का मतदातालाई मत प्रदान गर्न उनले आग्रह गरे ।

कार्यक्रममा केन्द्रीय सदस्य अर्जुन जोशी, धनराज गुरुङ, उमा रेग्मी, पूर्व सांसद शारदा पौडले, सांसद विन्दा राना, गण्डकी प्रदेशसभा सदस्य तथा चुनावी कमाण्डर विन्दुकुमार थापा, नेता शुक्रराज शर्मा लगायतले बोलेका थिए । उक्त अवसरमा नेकपाका साथै विभिन्न पार्टी परित्याग गरी गौरी अधिकारी, गणेश खत्री, वसन्तबहादुर खत्री, मंगली गौतम, चिरञ्जीवि अधिकारी लगायत २ जना नेता कार्यकर्ता कांग्रेसमा प्रवेश गरेका थिए ।

गिता राना मगर, पोखरा १० मंसिर ।
आगामी पुषको अन्तिम साता अमरसिंह चौरमा आयोजना हुने दशौ संस्करणको पोखरा महोत्सवको ९० प्रतिशत स्टल बुकिङ भएको छ । स्थानिय युनाईटेड क्लवको आयोजनामा पुषको २९ देखी माघको १२ सम्म पोखराको अमरसिंह चौरमा आयोजना हुने दशौ संस्करणको पोखरा महोत्सवको ९० प्रतिशत स्टल बुकिङ भएको महोत्सव प्रचार प्रसार संयोजक शान्त बहादुर थापाले जानकारी दिए ।

१३ दिन सम्म चल्ने महोत्सवमा २ सय ५० स्टल मध्ये ९० प्रतिशत स्टल बुकिङ भएको हो । महोत्सवमा पर्यटन प्रवद्र्धन र नया उद्योगको प्रवद्र्धन गर्नका लागी निशुल्क स्टलको ब्यवस्था गरिने आयोजकले जनाएको छ । महोत्स्वमा १२ वटा रेष्टुरेण्टका स्टल रहनेछभने हस्तकला, कृषी, अटो, पुष्प, रेडिमेट, वित्तिय संस्था, पर्यटन प्रवद्र्धन, सुचना प्रविधी र उद्योगका स्टलहरु रहने प्रचार प्रसार संयोजक थापाले वताए ।

स्थापना कालदेखी पोखरा महोत्सवको आयोजना गरी युनाईटेड क्लवको शिक्षा, स्वास्थ्य, खेलकुद, पर्यटन प्रवद्र्धनका लागी पोखरामा खुल्ला चिडियाखाना निर्माणमा पहलकदमी संगै सेती नदी संरक्षणमा काम गर्दै आइरहेको छ ।

पोखरा ७ मंसिर । १३ औ दक्षिण एशियाली खेलकुद साग प्रतियोगिता अन्तर्गत पोखरा रंगशालामा आयोजना हुने महिला फुटवललाई भब्य र सभ्य बनाउनका लागी अखिल नेपाल फुटवल संघ एन्फाका उपाध्यक्ष कृष्ण थापाको संयोजकत्वमा विभिन्न १५ वटा उपसमितीहरु निर्माण गरिएको छ । आगामी मंसिरको १७ देखी २४ सम्म पोखरा रंगशालामा हुने महिला फुटवल प्रतियोगितालाई भब्यताका साथ सफल बनाउन उक्त समिती निर्माण गरिएको हो ।

जसमा सुरक्षा संयोजकमा एन्फा गण्डकीका अध्यक्ष धरम सिंह लामिछाने, सुरक्षा ब्यवस्थापन सह संयोजकमा लक्षु भण्डारी, निरीक्षण ब्यवस्थापनमा एन्फा कास्की अध्यक्ष मिलन गुरुङ र राजेन्द्र तामाङ, प्राथमिक उपचार स्वास्थ्य ब्यवस्थापनमा सुक गुरुङ र मनोज कार्की, खेलाडी तथा टीम ब्यवस्थापनमा एल बी ज्वार्चन, हिटलर घले र सुधीरजंग थापा, अतिथी सत्कारमा मदन केसी, जलपान ब्यवस्थापनमा सीता गुरुङ, भक्ति गुरुङ र राधा गुरुङ, रेफ्री ब्यवस्थापनमा आनन्द रन्जित र ईश्वर गुरुङ (चन्द्र), प्रचार प्रसार उपसमितीमा एम बी आस्था, गिता राना र शम्भु केसी, सचिवालय ब्यवस्थापनमा रमेश कार्की, प्रीतम गुरुङ, आशिषमान सिंह भण्डारी, महेन्द्र सिंह थापा, गोविन्द पौडेल, शंकर थापा, लक्ष्मण रोकाहा र नरेश सिरश रहेका छन ।

त्यसैगरी मञ्च ब्यवस्थापन उपसमितीमा जगत थापा, सचिन थापा, अञ्जन देवकोटा र पुष्प बराल, स्वयंसेवक परिचालनमा नर बहादुर गुरुङ, सुमन गुरुङ, नरेश गुरुङ र इन्द्र कुवर, साउण्ड सिस्टम ब्यवस्थापनमा राजेन्द्र गिरी, दीपक न्यौपाने, शुभाष गुरुङ, सुरेश जंग जिसी,गंगा थापा र प्रकाश थापा, खेल मैदान ब्यवस्थापनमा विश्व ताण्डुकार, हरि खड्का, सुरेन्द्र गुरुङ, जीवन गुरुङ, मदन थापा, सुविन श्रेष्ठ र पदम गुरुङ रहेका छन । मंसिरको १७ देखी २४ सम्म पोखरा रंगशालामा हुने महिला फुटवल प्रतियोगितामा नेपाल, भारत, माल्दिभ्स र श्रीलङकाकाको सहभागीता रहने छ ।