पोखरा १६ माघ ।
गोर्खाको लिगलिगकोटमा खेलकुद पर्यटनको प्रवद्र्धन गर्नका लागि लिगलिग भिलेज स्पोर्टस नामक संस्था स्थापना गरिएको छ । आधुनिक नेपाल एकिकरणको ऐतिहासिक महत्व तथा पर्यटकीय सम्भावना बोकेको लिगलिग कोटमा खेलुकुद पर्यटन संगै उक्त क्षेत्रको सांस्कृतिक पक्षको बिकास गर्ने उद्देश्यले स्थानिय संजीव राना मगरको अध्यक्षतामा लिगलिग भिलेज स्पोर्टस नामक संस्था दर्ता गरिएको हो । संस्थाको संस्थापक उपाध्यक्षमा रुपा राना मगर, सचिवमा बिनोद श्रेष्ठ, कोषाध्यक्षमा बिजय पाण्डे, सदस्यहरुमा अनिल राना मगर, निराज थापा र दीपक थापा रहेका छन ।

पर्यटकीय सम्भावना बोकेर पनि ओझेलमा परेको लिगलिग क्षेत्रको समग्र बिकास र समृद्धि गर्न, स्थानीय जनताको पहिचान, स्वाभिमान र भाषिक तथा सांस्कृतिक वातावरणमा क्षति नपु¥याई स्थानिय क्षेत्रको बिकास र समृद्धिका कार्यहरुमा सहयोग पु¥याउन, बहुभाषिक, बहुसांस्कृतिक समाजको मुल्य मान्यतालाई सम्मान गर्दै खेलकुद र पर्यटनको माध्यमबाट ऐतिहासिक क्षेत्र लिगलिगकोटलाई विश्वसामु चिनाउने उद्देश्यले संस्थाको गठन गरिएको राना मगरले वताए ।

लिगलिग भिलेज स्पोर्टसले उक्त क्षेत्रका स्थानीय जनता, महिला, युवा, वालवालिका, आदिवासी, जनजाति, पिछडिएका वर्ग समुदाय, अशक्त र असहाय, समाजको मुलधारभन्दा बाहिर रहेका समुदायहरुमा उद्यमशीलता र आयआर्जनको वातावरण निर्माण गरी समग्र लिगलिग क्षेत्रको बिकास र समृद्धिमा स्थानीय निकाय तथा राज्यलाई सहयोग गर्न तथा सो क्षेत्रको उन्नती तथा समृद्धिका लागि विविध अध्ययन अनुसन्धान गर्न, लिगलिगकोटमा खेलकुद पर्यटनको प्रवद्र्धन र बिकास जस्ता सामाजिक काम गर्नका लागी गैर सरकारी संस्थाको रुपमा संस्था दर्ता गरिएको हो ।

नेपाल राज्य निर्माणको ऐतिहासिक भुमिमा आयोजना गरिने लोकतान्त्रिक लिगलिगे दौड परम्परा (सभ्यता) लाई उजागर र सम्मान गर्दै समग्र लिगलिग क्षेत्रलाई राष्ट्रिय तथा अन्तर्राष्ट्रिय रुपमा खेल पर्यटनका माध्यमबाट प्रवद्र्धन गरी नेपालका ऐतिहासिक, धार्मिक, सांस्कृतिक, पुरातात्विक तथा पर्यटकिय दृष्टिकोणले महत्वपूर्ण स्थलहरुको विस्तृत खोज तथा अनुसन्धान गरी प्रचार प्रसार गरी प्रवद्र्धन र विकास गर्न विविध कार्यक्रमहरु गर्ने लक्ष्य संस्थाले लिएको छ ।

संस्थाले नेपाली समाजबाट क्रमशः विलुप्त हुँदै जान लागेका स्थानीय तथा रैथाने मौलिक भाषा–संस्कृति, परम्परा, वातावरणमैत्री आदिवासिय ज्ञान तथा प्रविधी, भेषभूषा, चाडपर्व, रैथाने ज्ञान विज्ञान, परम्परागत सम्पदा आदिको संरक्षण, संवद्र्धन र विकासका लागि खेलकुद र पर्यटनका माध्यमबाट पुर्नजागरणका विविधकार्यक्रमहरु गर्नुका साथै नेपाली ग्रामिण युवाहरुको बढ्दो शहरी क्षेत्र तथा विदेश तर्फ बसाईसराई र पलायनलाई न्यूनिकरण गर्न खेलकूद र पर्यटनको माध्यमवाट विकास र समृद्धिका विविध कार्यक्रम तथा अभियान मार्फत ग्रामीण भेगमानै उद्यमशिलताको विकास तथा आयआर्जनका लागि विविध कार्यक्रमहरु गर्ने मगरले जानकारी दिए ।

समाजमा व्याप्त अज्ञानता, अनभिज्ञता र अशिक्षाका कारण स्थानीय नेपाली जनताले भोग्नु परेको गरिबी, अस्वस्थ्यता र प्रदुषित वातावरण जस्ता समस्याहरु निराकरण गर्न व्यवहारिक तथा समयानुकुल शिक्षाका कार्यक्रमहरु, स्थानीय पाठ्यक्रम तथा भौतिकपूर्वाधार निर्माण गर्न सहयोग जुटाउनुका साथै स्वास्थ्य, वातावरण र शिक्षा तथा खेलकुद पर्यटनको क्षेत्रमा समेत काम गर्ने संस्थाले जनाएको छ ।

त्यसैगरी खेलकुद तथा पर्यटनको विकास गर्न तथा सो क्षेत्रको बिकास र समृद्धिको लागि योगदान गर्ने व्याक्तित्व तथा प्रतिभाहरुको खोजी गरी सम्मान गरी पर्यटन वर्ष २०२० लाई सफल बनाउने लक्ष्य लिइएको छ । संस्थाले पहिलो कार्यक्रम अन्तर्गत छिट्टैनै खेलकुद कार्यक्रमको आयोजना गर्ने संयोजक राना मगरले वताएका छन ।
फोटो : एम बि आस्था मगर/प्रमिला गुरुङ राना मगर ।

पोखरा ६ माघ । युनाईटेड क्लवको आयोजना र कास्की जिल्ला वुद्धिचाल संघको सह आयोजनामा सोमबारदेखी पोखराको अमरसिंह माविको पुस्तकालयमा बुद्धिचाल प्रतियोगिता शुरु भएको छ । दशौ पोखरा महोत्सवको अवसरमा आयोजित उक्त प्रतियोगितामा ३० जना खेलाडीहरुको सभागीता रहेको छ । जस अन्तर्गत ११ जना खेलाडी प्रतियोगिताको दोश्रो चरणमा प्रवेश गरेका छन ।

प्रतियोगितामा लोक बहादुर थापा, पुजा भण्डारी, शागर शाही, महेश्वर अधिकारी र कृष्ण थापा दुई अंक ल्याउदै दोश्रो चरणमा प्रवेश गरेका हुनभने राम बहादुर क्षेत्री, अनिल कोइराला, बुद्धिराज शर्मा, विश्व पराजुली, एकराज अधिकारी, युवराज भण्डारीले एक अंक सहित दोश्रो चरणमा प्रवेश गरेका छन ।

उक्त प्रतियोगितामा सिनियर राष्ट्रिय आर्विटर (रेफ्री) श्याम सुन्दर ताम्राकार र राष्ट्रिय आर्विटर (रेफ्री) नरेन्द्र रानाभाटले प्रतियोगितामा रेफ्रीको भुमिका निर्वाह गरेका थिए । प्रतियोगितामा प्रथम हुनेले नगद २५ हजार, प्रमाण पत्र र मेडल प्राप्त गर्नेछभने दोश्रो र तेश्रो हुनेले नगद १५ हजार र दश हजार सहित प्रमाणपत्र र मेडल प्राप्त गर्नेछन । प्रतियोगितामा चौथो स्थान हासिल गर्नेले नगद ३ हजार प्रमाणपत्र र मेडल, पांचौ स्थान हासिल गर्नेले २ हजार नगद, प्रमाणपत्र र मेडल प्राप्त गर्नेछनभने टप टेन भित्र पर्ने बांकी ५ जनालाई जनही १ हजार, प्रमाण पत्र र मेडल प्राप्त गर्नेछन ।

प्रतियोगिताको उद्घाटन गर्दै युनाईटेड क्लवका अध्यक्ष लालकाजी गुरुङले पोखरा महोत्सवको आयोजना गरी पोखरामा सामाजिक काम गर्दै आइरहेको र क्लवको उद्देश्य अनुसार शिक्षा, स्वास्थ्य, खेलकुद, पर्यटन प्रवद्र्धनका लागी पोखरामा नया पर्यटकीय गन्तब्य चिडियाखाना निर्माण र सेती नदी संरक्षणमा काम गर्दै आइरहेको र जसमा खेलकुद कार्यक्रम अन्तर्गत बुद्धिचाल प्रचियोगिताको आयोजना गरिएको वताए । आगामी दिनमा पनि खेलकुदको क्षेत्रमा क्लवले निरन्तर काम गर्ने उनको भनाइ रहेको थियो ।

सो अवसरमा वोल्दै कास्की जिल्ला बुद्धिचाल संघका उपाध्यक्ष सुनिल बहादुर कोइरालाले निकट भविश्यमा युनाईटेड क्लव संग सहकार्य गरी बुद्धिचाल प्रतियोगिता संगै कास्की जिल्लाबाट प्रतिनिधित्व हुने गरी बुद्धिचालका खेलाडि उत्पादन गरी अगाडि वढ्ने वताए ।

यसैविच महोत्सवमा जारी कास्की जिल्ला स्तरिय खुल्ला लोकनृत्य प्रतियोगितामा लेखनाथ विभुति पोखरा १५ रामबजार र राइजिङ स्टार एकेडेमी फाइनलमा प्रवेश गरेका छन । वेसलाईन एकेडेमी र सरस्वती सेकेण्डरी स्कुललाई पछि पार्दै लेखनाथ विभुति र राइजिङ स्टार फाइनलको यात्रा तय गरेका हुन । प्रतियोगितामा मंगलवार कुमुदिनी होम्स, ज्ञानगंगा एकेडेमी, अमरसिंह मावि र युनिभर्स एकेडेमी वीच प्रतिस्पर्धा हुनेछ ।

माघ १२ गते सम्म सञ्चालन हुने महोत्सवमा दर्शकको सहभागीता समेत वढ्दै गएको छ । महोत्सवमा सोमबार लोकदोहोरी तर्फ चर्चित लोकदोहोरी गायक रामजी खांडको प्रस्तुती मार्फत दर्शकले भरपुर मनोरन्जन लिए । रामजी खांड संगै लोकदोहोरी गायक गायिका जीवन दाहाल, टेक क्षेत्री, कृष्ण अखेली, पार्वती जिसी, ज्योति लोहोनी, केशव देवकोटा, सरस्वती लामिछाने, माया गुरुङ लगायतको प्रस्तुतीमा दर्शकले मनोरन्जन लिएका थिए भने दीपक थापा मगरको हास्यब्यङ्ग्य सहितको जादुले दर्शकलाई भरपुर मनोरन्जन प्रदान गरेको थियो । त्यसैगरी सोमबार संस्कृती तर्फ तेर्सापट्टी तायामचा समितीको लाखेनाचको प्रस्तुती रहेको थियो ।

सांझको पपकन्सर्टमा युवाहरुको ढुकढुकी सुगम पोख्रेल एण्ड बाजागाजा ब्याण्ड संगै स्थानिय द फेयर मेसिनको प्रस्तुतीमा युवाहरुले भरपुर मनोरन्जन लिएका थिए । महोत्सवको आठौ दिन लोकदोहोरी तर्फ पछिल्लो समय निकै चर्चित लोकदोहोरी गायक प्रकाश सपुत, शंकर विरही गुरुङ, पी आर सी पौडेल, निश्चल थापा मगर, सीता परियार, सरस्वती लामिछाने, दुर्गा क्षेत्री लगायतकोे प्रस्तुती रहनेछभने सांस्कृतीक कार्यक्रम तर्फ तेर्सापट्टी ताया मचा समितिको भैरव नाज र गाईजात्रामा देखाइने मृदङ्ग वादन आठ वटा मृदङ्गको एकमुष्ट प्रस्तुती रहने महोत्सव सांस्कृतीक उपसमिति संयोजक राजु श्रेष्ठले जानकारी दिए । महोत्सवमा सांझको पप कन्सर्टमा शनिस श्रेष्ठ र स्थानिय प्रोभर्सको प्रस्तुती रहने छ ।

पोखरा, माघ ६ ।
गुरुङ साहित्यिक मञ्च नेपालले आगामी चैत्र २१ गते तेस्रो स्थापना दिवसको अवसर पारेर कविता प्रतियोगिता आयोजना गर्ने भएको छ । मञ्चको हिजो पोखरामा बसेको बैठकले कविता प्रतियोगिता सहित साहित्यिक प्रशिक्षण कार्यक्रमको आयोजना गरेर आफनो स्थापना दिवस मनाउने निर्णय गरेको मञ्चकी अध्यक्ष गौरी तमूले जानकारी दिनुभयो ।

बैठकले कविता प्रतियोगिता सम्पन्न गर्नका निम्ति कवि चन्द्र गुरुङको संयोजकत्वमा मञ्चका प्रमुख सल्लाहकार एकेन्द्र गुरुङ र मञ्चकी अध्यक्ष गौरी तमू पदेना सदस्य रहने गरि तीन सदस्यीय समिति गठन गरेको छ । मञ्चका सल्लाहकार योगेश गुरुङले स्थापना गर्नुभएको अक्षयकोषबाट पुरस्कार वितरण गर्ने गरी यसवर्षबाट मञ्चले कविता प्रतियोगिता आयोजना गर्न लागेको हो ।

इन्टरनेटको माध्यमबाट संसारको जुनसुकै कुनाबाट कविहरुले आफनो कविता आयोजकलाई पठाउन सक्ने छन । यसरी खुल्ला रुपमा प्राप्त भएको कविता मध्ये प्रथम, द्धितिय, तृतिया र सान्त्वाना हुने कविहरुलाई मञ्चको स्थापना दिवसको अवसर पारेर कविता वाचनको मौका सहित नगद पुरस्कार वितरण गरिने प्रतियोगिताका संयोजक कवि चन्द्र गुरुङले जानकारी दिनुभयो ।

प्रतियोगितामा प्रथम हुनेले १० हजार, द्धितिय हुनेले ७ हजार, तृतिय हुनेले ५ हजार र सान्त्वाना हुने कविले ३ हजार नगद पुरस्कार पाउने छ । प्रतियोगितामा संसारभरका तमू कविहरुले मात्र भाग लिन पाउने छन् । चैत्र २१ गते विहान प्रशिक्षण कार्यक्रम र दिउँसो पुरस्कार वितरण सहित उद्घाटन कार्यक्रम सम्पन्न गरेपछि त्यहि दिन मञ्चको नयाँ नेतृत्व समेत चयन हुने छ ।

कार्यक्रम सम्पन्न गर्नको लागि हिजो बसेको बैठकले विभिन्न उपसमिति समेत गठन गरेको छ । जसमा आर्थिक संकलन उपसमितिमा मञ्चकी कोषाध्यक्ष जसु गुरुङ संयोजक रहने गरि महासचिव रोशनी गुरुङ र कार्य समिति सदस्य प्रतिमा गुरुङ सदस्य रहेको उपसमिति गठन गरिएको छ । यस्तै मञ्च सजावट तथा व्यानर एवम् प्रमाण पत्र उपसमितिमा मञ्चका उपाध्यक्ष रोशन गुरुङ संयोजक रहनेगरी सदस्यद्धय सम्राट गुरुङ र तुल गुरुङ सदस्य रहेको उपसमिति गठन गरिएको छ ।

यस्तै अतिथि सत्कार उपसमितिमा कार्य समिति सदस्य प्रतिमा गुरुङ संयोजक रहने गरि सदस्यहरु उमा गुरुङ र किरण गुरुङ सदस्य रहेको उपसमिति गठन गरिएको छ । प्रशिक्षण कार्यक्रमलाई संयोजन गर्ने जिम्मेवारी भने अध्यक्ष गौरी तमूलाई दिईएको छ । मञ्चकी अध्यक्ष गौरी तमूको अध्यक्षतामा बैठक सम्पन्न भएको थियो ।

माघ ५,पोखरा । लामा ब्रदर्श लेकसाइडको आयोजनामा आइतबारदेखि तेश्रो सोनाम ल्होसार पोखरा ओपन भेट्रान्स टेनिस शुरु भएको छ । कास्की जिल्ला टेनिस संघका अध्यक्ष दोर्जे लामाले एक समारोहका विच टुर्नामेण्ट डाइरेक्टर प्रदिप खड्कालाई बल हस्तान्तरण गर्दै प्रतियोगिताको उदघाटन गरेका हुन् ।

उद्घाटन समारोहमा आयोजक समितिका सचिव केबि लामा, कोषाध्यक्ष लक्ष्मण लामा लगायतले बोलेका थिए । गुरुङ्ग भिलेज टेनिस कोर्टमा भएको प्रतियोगिताको उद्घाटन खेलमा हुम आलेले माधब भण्डारीले पराजित गरे ।

प्रतियोगितामा प्रथम हुने खेलाडीले नगद १० हजार सहित ट्रफि तथा द्वितिय हुने खेलाडीले नगद ५ हजार सहित ट्रफि पुरस्कार प्राप्त गर्ने प्रतियोगिता संयोजक तथा आयोजक समितिका अध्यक्ष बिरेन्द्र लामाले जानकारी दिए । प्रतियोगितामा पोखराका २६ खेलाडीहरुले सहभागिता जनाएका छन् ।

गिता राना मगर, पोखरा २ माघ ।
लम्जुङको पुरनकोट होम स्टेमा पोखरा महोत्सव कै कारण आन्तरिक तथा बाह्य पर्यटकहरु भित्रिन थालेका छन । नवौ संस्करणको पोखरा महोत्सवमा आयोजक युनाईटेड क्लवले ग्रामीण पर्यटन प्रवद्र्धनका लागी होम स्टेलाई निशुल्क स्टलको ब्यवस्था गरेपछि पुरनकोट होम स्टेमा यो वर्ष पर्यटकको संख्यामा वृिद्ध आएको पुरनकोट होम स्टेका अध्यक्ष कन्या काशी गुरुङले बताइन ।

२०६८ सालदेिख स्थापना भएको पुरनकोट होम स्टेको स्थापना भएको र २०७१ सालसम्म आन्तरिक तथा बाह्य पर्यटकको आकर्षकको रुपमा रहेतापनि पछिल्लो समय खस्किदै गएपछि नवौ संस्करणको महोत्सवमा पुरनकोट होमस्टेले स्लट पाएर प्रवद्र्धन गरेपछि यो वर्ष पुरनकोटमा ४ सय भन्दा वढी ग्रुपले होमस्टेमा बसोवास गरेको अध्यक्ष गुरुङले बताइन । पोखरा महोत्सवले सामाजिक कामसंगै पर्यटन प्रवद्र्धनका लागि दुर दराजमा रहेको गाँउको होम स्टेको प्रवद्र्धनमा लागेको र त्यसकै कारण लम्जुङको पुरनकोटको प्रवद्र्धन हुनु आफैमा गर्वको कुरा रहेको गुरुङको भनाइ रहेको थियो ।

लम्जुङको बेसीशहर नगरपालिका ४ डाँडागाँउमा रहेको पुरनकोट होमस्टेमा गुरुङ संस्कृति झल्कने घाटु, चुड्का, सोरठी संगै लम्जुङे ठाडो भाकासंगै स्थानिय उत्पादन लोकल कुखुरा, खसी बोका संगै कोदोको ढिडो गुन्दु्रकको अचारको स्वाद लिन सकिने गुरुङले बताइन । पोखरा महोत्सवमा स्टल राखेकै भरमा पछिल्लो समय आन्तरिक तथा बाह्य पर्यटकहरु पुरनकोट भित्रिन थालेको र पर्यटकहरु स्थानिय सांस्कृतिक प्रस्तुती संगै सिन्दुरे ढुंगा, पुरानो कोट , तारे भिरमा सञ्चालन हुने रक क्लाइम्बिङ मार्फत मनोरन्जन लिने गरेको होमस्टेका अध्यक्ष गुरुङले बताइन ।

दशौ संस्करणमा पनि पुरनकोट होम स्टेको स्टल पोखरा महोत्सवमा राख्न पाउदा पुरनकोटबासी खुशीसंगै उत्साहित छन । अघिल्लो पटक पोखरा महोत्सवमा स्टल राखेकै कारण ४ सय वटा ग्रुप होम स्टेमा बस्न पुगेका थिए ।
झरीका बीच सञ्चालित पोखरा महोत्सवको तेश्रो दिन झरीको प्रवाह नगरी दर्शकहरुले साथ दिएका छन । महोत्सवमा झरीका बीच छिरेका दर्शकले मनोरन्जन भन्दापनि जाडो मौसममा चाहिने सामाग्री किनमेल गर्नेको भीड बढ्यो ।

महोत्सवको तेश्रौ दिन चर्चित लोकदोहोरी गायक कुलेन्द्र बिकको सालको पात भन्ने गीतमा दर्शकले भरपुर मनोरन्जन लिए । कुलेन्द्र संगै सरला पाण्डे, शंकर विरही गुरुङ, टेक क्षेत्री, रमा राना मगर, कमला गैरे लगायतको प्रस्तुती रहेको थियोभने सांझको पप कन्सर्ट तर्फ एम सी फ्लो र स्थानिय स्पर्श ब्याण्डको प्रस्तुती रहेको थियो ।

महोत्सवमा शुक्रबार लोक दोहोरी तर्फ प्रीति आले, प्रजापति पराजुली ,मञ्जु बिक, शिवहरी ढुंगाना, रामजी पौडेल, टेक क्षेत्री, सजना गुरुङ, पार्वती गुरुङ, इश्वर खड्का लगायतको प्रस्तुती रहने महोत्सव सांस्कृतीक उपसमिती संयोजक राजु श्रेष्ठले जानकारी दिए । सांझको पप कन्सर्टमा युवाहरुको ढुकढुकी आशिस राना लाहुरे संगै स्थानिय ब्ल्याक रोज व्याण्डको प्रस्तुती रहनेछभने सांस्कृतीक कार्यक्रम तर्फ नेवारी संस्कृती झल्कने तेर्सापट्टी तायामचा समितीको लाखेनाचको प्रस्तुती रहनेछ ।

महोत्सव जारी रहदा शुक्रबार देखि विद्यार्थी , अभिभावक र शिक्षकहरुलाई समेटेर निर्माण गरिएको कखरा डकुमेन्ट्री समेत प्रदर्शन गरिने महोत्सव प्रचार प्रसार संयोजक शान्त बहादुर थापाले जानकारी दिए । कखरा डकुमेन्ट्र पहिलो चरणमा १ बजे र दोश्रो चरणमा ३ बजे निशुल्क प्रदर्शनको ब्यवस्था मिलाइएको आयोजकले जनाएको छ ।

गिता राना मगर, पोखरा १ माघ । ब्यवशाय गरेर बचेको रकमलाई समाजसेवामा लगाउने उद्देश्यले धादिङ जन्मथलो भइ पोखरामा ब्यवशाय गर्दै आएका समाजसेवी युवराज खतिवडाले आफ्नो जन्मथलो निलकण्ठ नगरपालिका ५ फ्याक्से गाउमा नगद तीनलाख बरावरको सहयोग गरेका छन ।

ब्यवशाय मात्र नभइ सामाजिक काममा समेत योगदान संगै ग्रामीण भेगका किसान तथा ग्रामीण संस्कृती जोगाउने युवाहरुलाई प्रोत्साहन गर्नुपर्छ भन्ने उद्देश्यले धादिङ पोखरा सम्पर्क समाजका निवर्तमान अध्यक्ष समेत रहेका खतिवडाले जन्मथलो निलकण्ठ नगरपालिका ५ फ्याक्सेमा रहेको चमेरे गुफा संरक्षण समाजलाई एक लाख एक हजार नगद सहयोग गरेका हुन ।

गुफा संरक्षण समाज संगै खतिवडाले फ्याक्से गाउमा रहेको पञ्चकन्या मा. वि. लाई एक थान कम्प्युटर र दुई थान ल्यापटप, पाल्पाली पञ्चेबाजा समुहलाई १० हजार, राष्ट्रिय पञ्चेबाजा समुहलाई १० हजार, गोरुजुधाई महोत्सवमा सहभागीता जनाएका ६ हल गोरुलाई २४ हजार र बालकलाकार दीक्षा ठकुरीलाई २ हजार नगद सहयोग गरेका हुन । खतिवडाले विगतका वर्षहरुमा धादिङको विभिन्न भेगमा समाजिक काममा वर्षेनी लाखौ रकम सहयोग गर्दै आइरहेका छन ।

सो अवसरमा वोल्दै समाजसेवी युवराज खतिवडाले आफुले जन्मेको हुर्केको ठाउलाई सवैले सहयोग गरेर बिकास गर्नतर्फ लाग्नुपर्ने वताउदै आफु जन्मेको साबिकको खाल्टे गाविस र हालको निलकण्ठ नगरपालिका वडा नम्बर ५ फ्याक्सेको बिकासका लागी ब्यवशाय गर्ने विदेशमा रहेकाहरुले सहयोग गर्नुपर्ने वताए । आफुले किसानहरुलाई प्रोत्साहन गर्ने गोरुजुधाई महोत्सवलाई विगतका वर्षहरुमा पनि सहयोग गर्दै आएको र यो पटक पनि सहयोग गरेको र यसले किसानहरुलाई प्रोत्साहन पुग्ने वताए ।

स्थानिय पञ्चेवाजाहरु हराउदै गइरहदा त्यसलाई संरक्षण गर्न पनि आफुले सहयोगलाई निरन्तरता दिने र ग्रामीण भेगमा रहेको विद्यालयहरुमा प्राविधिक शिक्षा प्रदान गराउनका लागी सहज होस भन्ने अभिप्रायले कम्प्युटर प्रदान गरेको समेत वताए । सो अवसरमा गैर आवासिय नेपाली समाजका सह कोषाध्यक्ष धादिङ जन्मघर भइ हाल बेल्जियममा कार्यरत लोक प्रसाद दहालले समेत नगद १ लाख चमेरे गुफा संरक्षण समाजलाई प्रदान गर्दै धादिङको बिकास र सामाजिक कामका लागि आफुले सक्दो सहयोग गर्ने प्रतिवद्धता ब्यक्त गरे ।

चमेरे गुफा संरक्षण समाजका अध्यक्ष प्रीतम श्रेष्ठले सहयोगी दाताहरुलाई धन्यवाद दिदै आफ्नो समाज दाताहरुको सहयोगकै भरमा छैठौ संस्करणको गोरुजुधाई महोत्सव तथा सांस्कृतीक कार्यक्रम सम्म आइपुगेको वताए । चमेरे गुफा संरक्षण समाजले नीलकण्ठ ५ फ्याक्सेमा पर्यटन भित्रयाउनका लागी गोरु जुधाइ प्रतियोगिता संगै साविकको खाल्टे नीलकण्ठ १ र ५ मा रहेको चमेरे गुफा, हिरामोती गुफा, पातले होम स्टे र गुम्वा, घुमाउने डांडा र वर्षा याममा देखीने वेतिनी छांगो र पातले छांगोको प्रचार प्रसारमा समेत जोड दिदै आएको श्रेष्ठले वताए ।

बाइसे चौबिसे राज्यको वेला बझांगे राजा जय पृथ्वी बहादुर सिंह तत्कालिन पञ्चायतको बेला नुवाकोट (मामाघर) पञ्चायतपछि टुक्रियर धादिङ बनेको र त्यसवेला यहा आएको वेला भान्जालाई खुसी बनाउन मामाहरुले गोरु जुधाएर देखएको र त्यसवेला देखी नुवाकोट र धादिङका विभिन्न ठाउमा गोरुजुधाई प्रतियोगिता हुदै आएको र इतिहासलाई जीवन्त राखी पछिल्लो समय ट्रयाक्टर भित्रिएपछि गोरुपाल्ने चलन हराएकाले गोरुपालनलाई समेत सहयोग पुगोस भन्ने अभिप्रायले विगत ६ वर्षदेखी गोरुजुधाउने प्रतियोगितालाई चमेरे गुफा समाजले महोत्सवको रुपमा आयोजना गर्दै आइरहेको छ ।

पोखरा २६ पुष ।
यहांका एक युवाले आफ्नो जन्मदिनको अवसर वृद्धाश्रममा रहेका वृद्धवृद्धाहरुलाई खाद्यान्न सामाग्री वितरण गरेको छ । पुरानो गांउ भुर्जङखोला भइ हाल पोखरा १६ दिप निवासी वुवा धनराज गुरुङ र आमा प्रतिमा गुरुङको कान्छा छोरा दिक्षन गुरुङले आफ्नो १८ औ जन्मदिनको अवसर पारी पोखरा १४ बाच्छीबुडुवामा रहेको वात्सायन वृद्धाश्रममा रहेका वृद्धवृद्धाहरुलाई खाद्यान्न तथा फलफुल वितरण गरेका हुन ।

कक्षा १२ मा अध्ययनरत दिक्षनले रेष्टुरेण्टमा गएर जन्मदिन मनाएर पैसा खर्च गर्नुभन्दा वृद्धाश्रममा रहेका वृद्धवृद्धाहरुलाई खाद्यान्न तथा फलफुल वितरण गरेर केही पुण्य कमाउने उद्देश्यले आफुले जन्मदिन वृद्धाश्रममा पुगेर आश्रममा आश्रित वृद्धावृद्धाहरु संग वसेर मनाएको र आश्रममा वृद्धाश्रम मनाउदा निकै खुसी लागेको वताए । आगामी दिनमा पनि सामाजिक काममा अगाडि वढ्ने गुरुङले वताए ।

वृद्धाश्रमका कर्मचारी युवराज वाग्लेले पछिल्लो समय युवा युवतीहरुले जन्मदिनको अवसर पारि वृद्धाश्रमहरुमा सहयोग गर्ने क्रम वढेको र सोही अनुरुप दिक्षनलेपनि सहयोग गरेकोमा धन्यवाद ब्यक्त गर्दै आगामी दिनमा पनि सामाजिक काममा अगाडी वढ्न आग्रह गरे । वृद्धाश्रममा हाल विभिन्न जिल्लाका सहाराविहीन २० जना वृद्धवृद्धाहरु आश्रित रहेका छन ।

पोखरा २६ पुष । आगामी पुषको २९ देखी माघको १२ गते सम्म पोखराको अमरसिंह चौरमा सञ्चालन हुने दशौ संस्करणको पोखरा महोत्सवको सम्पूर्ण तयारी पुरा भएको छ । महोत्सव आयोजक युनाईटेड क्लवले शनिवार महोत्सव स्थल अमरसिंह चौरमा पत्रकार सम्मेलनको आयोजना गरी दशौ संस्करणको पोखरा महोत्सवको सम्पर्ण तयारी पुरा भएको जनाएको हो । महोत्सवको आयोजना गरी पोखरा र आसपासका क्षेत्रमा शिक्षा, स्वास्थ्य, खेलकुद, पर्यटन प्रवद्र्धनका लागी पोखरामा नया पर्यटकीय गन्तब्य चिडियाखाना निर्माणमा पहलकदमी सहित सेती नदी संरक्षणमा काम गर्दै आएको युनाईटेड क्लवको आयोजनामा आगामी पुषको २९ देखी माघको १२ गते सम्म अमरसिंह चौरमा आयोजना हुने दशौ संस्करणको पोखरा महोत्सवको सम्पूर्ण तयारी पुरा भएको युनाईटेड क्लवका अध्यक्ष लालकाजी गुरुङले जानकारी दिए ।

महोत्सवकै आयोजना गरी पोखरामा नया गन्तब्य चिडियाखाना निर्माणका लागी पोखरा महानगरपालिकाको वडा नम्बर ३०, ३१ र ३२ मा रहेको पचभैया, चापापानी चिसाकुना र चैनपुर सामुदायिक बन क्षेत्रको १ सय ३४ हेक्टर (२६ सय ८० रोपनी ) भु भागमा हाल चिडियाखाना निर्माणको काम भइरहेको र उक्त स्थानमा क्लवको तर्फबाट हाल सम्म ५५ लाख रुपैया नगद प्रदान गरिसकेको र हाल केही स्थानियको विवादका कारण चिडियाखानाको काम रोकिएकाले आफुहरु निकै दुखि बनेको समेत अध्यक्ष गुरुङले वताए । चिडियाखाना निर्माणको कामलाई निरन्तरता दिनका लागी आफुहरुले समेत पहलकदमी थालिरहेको र छिट्टै नै त्यसको समाधान हुने र चिडियाखाना निर्माणले तिब्रता पाउने उनको भनाइ रहेको थियो ।

चिडियाखाना निर्माण क्षेत्रमा वन्यजन्तु उद्दार केन्द्रको लागी भवनहरुको निर्माण, खानेपानी जडान, यातायातको सहजिकरणको लागी बाटो निर्माण, मृगस्थली , बाघ राख्ने खोर,सिडी बाटो निमार्ण सम्पन्न भईसकेको वताउदै अध्यक्ष गुरुङले उक्त क्षेत्रमा भालुको खोर, बाँदरको खोर निमार्ण क्रममै रहेको समेत वताए । चिडियाखाना निमार्णको लागी गण्डकी प्रदेश सरकारबाट गत आर्थिक वर्ष ७३ लाख २४ हजार ४ सय ७७ रकम विनियोजित भएकोमा जनसहभागिता कटाई निमार्ण कार्य अनुसारको ५८ लाख ५९ हजार ८ सय २६ रकमको भुक्तानी भएको युनाईटेड क्लबबाट ५५ लाख, साविकको लेखनाथ नगरपालिकाबाट १० लाख, पोखरा महानगरपालिकाबाट १२ लाख ८८ हजार र साविक जिल्ला बन कार्यालय,कास्कीबाट २४ लाख गरी १ करोड ५१ लाख ४७ हजार ८ सय २६ रुपैया खर्च भइसकेको समेत गुरुङले वताए ।

युनाईटेड क्लवले महोत्सवकै आयोजनाबाट सेती नदी संरक्षणलाई अभियानकै रुपमा अगाडि वढाउदै महोत्सव प्रवेश टिकटबाट प्रति टिकट एक रुपैया छुटाइने वताउदै क्लवले विपद व्यवस्थापनका लागी समेत अक्षय कोष स्थापना गरि अगाडि वढेको गुरुङको भनाइ रहेको थियो । हिमश्री फुड्सको उत्पादन रारा तयारी चाउचाउको मुख्य प्रायोजनमा आयोजना हुने दशौ संस्करणको पोखरा महोत्सवमा २ सय ५६ वटा स्टल रहनेछन । महोत्सवले देशको कला, संस्कृति, भेष–भुषाको संरक्षण संगै शिक्षा, स्वास्थ्य, खेलकुद तथा पर्यटनको विकास गरी देशलाई समृद्धि तिर पु¥याउने, विकसित सुचना प्रविधिको जानकारी सर्वसाधारण समक्ष पु¥याउने लक्ष्य लिइएको छभने गण्डकी प्रदेशको पर्यटकिय स्थानको बारेमा जानकारी दिनुका साथै आन्तरिक तथा वाह्य उत्पादित वस्तुको बजार सहजीकरण गराउदै सम्पूर्ण कलाकारहरुको प्रतिभा प्रस्फुटनमा सहयोग पुर्याउने उद्देश्य लिइएको छ । आथिक चलायमान गराई रोजगार सृजना गरी क्षेत्रगत विकासमा टेवा पुर्याई भ्रमण वर्ष २०२० लाई सफल बनाउने महोत्सवको उद्देश्य रहेको छ ।

१३ दिन सम्म सञ्चालन हुने महोत्सवमा विभिन्न जाति, जनजातिका कला संस्कृतिको प्रदर्शनी, औधोगिक उत्पादनको प्रदर्शनी एवं बिक्री, हस्तकला सामानहरुको प्रदर्शनी एवं बिक्री, सूचना प्रविधीहरुको प्रदर्शनी एवं जानकारी, व्यवसायीक संघ सस्थाहरुको सेवा बारे जानकारी, स्थानिय, राष्ट्रिय तथा अन्तराष्ट्रिय उपभोग्य बस्तुहरुको प्रदर्शनी तथा उचित मुल्यमा बिक्री वितरण, पर्यटन प्रवद्र्धनका सामाग्रीहरुको प्रदर्शनी एवं जानकारी, पोखरा लगायत विभिन्न पर्यटकीय स्थलहरुको जानकारी, सामाजिक संस्थाहरुको परिचय एवं जानकारी, नेपाली संस्कृति झल्किने विधालय स्तरीय खुल्ला नृत्य प्रतियोगिता र बुद्धिचाल प्रतियोगिता हुने महोत्सव प्रचार प्रसार संयोजक शान्त बहादुर थापाले जानकारी दिए ।

महोत्सवमा राष्ट्रिय स्तरका ख्यातिप्राप्त कलाकारहरु बद्री पंगेनी , प्रजापति पराजुली,, पुरुषोत्तम न्यौपाने, पशुपती शर्मा , कोमल वली, ,राम्जी ख“ाड, मिलन लामा,कृष्ण गुरुङ , प्रिती आले, चौलेन्द्र पौडेल, ज्योति मगर, राजु गुरुङ , प्रकाश सपुत, राजन गुरुङ, कुलेन्द्र विश्वकर्मा, जिवन दाहाल सहित स्थानीय कलाकारहरुको प्रस्तुती रहनेछ भने अन्तराष्ट्रिय तथा राष्ट्रिय स्तरका ब्याण्डहरु मंगोलियन हर्ट, कोववेव, सुगम पोख्रेल एण्ड बाजा गाजा व्याण्ड, मन्त्र ब्याण्ड, सविन राइ एण्ड फारोह ब्याण्ड, अर्को मुखर्जी एण्ड द कलेक्टिभ ब्याण्ड, लाहुरे, भीटेन, मेलिना राई, शनिश श्रेष्ठ, अनुप्रस्था र लोकल ब्याण्डहरुको प्रस्तुती रहने महोत्सव सांस्कृतीक उपसमिती संयोजक राजु श्रेष्ठले जानकारी दिए ।

गायन संगै महोत्सवमा हांस्यब्यङ्ग्य प्रस्तुती, उत्कृष्ट स्टललाई पुरस्कार, नेपाली संस्कृती झल्किने लोक नृत्य प्रस्तुती, विद्यालय स्तरीय सामुहिक लोक नृत्य प्रतियोगिता, शैक्षिक जगरण सम्बन्धि डकुमेन्ट्रि प्रदर्शनी, चमेना गृहको ब्यवस्था, बाल उद्यान, विभिन्न मनोरञ्जनात्मक कार्यक्रमहरु र बुद्धिचाल प्रतियोगिता समेत हुने श्रेष्ठले वताए । महोत्सवमा सुरक्षाको उचित प्रबन्ध, शौचालयको उचित व्यवस्था, फ्री वाइफाईको ब्यवस्था, अग्नि, चट्या∙, भुकम्प, हुरीबतास, हुलद∙ा बिमा को व्यवस्था, वाल उद्यान दुर्घटना विमा, प्रथमिक स्वास्थ्य सेवा तथा एम्बुलेन्सको व्यवस्था संगै पार्किङको उचित ब्यवस्था रहने छ । महोत्सवमा अपाड्ड, वृद्धवृद्धा, एकल महिला, पत्रकार ,सुरक्षा निकायका सुरक्षाकर्मीहरुलाई (पोषाक अनिवार्य) निःशुल्क प्रवेश गराईनेछ । साथै पर्यटन प्रर्वद्धन, पर्यटकिय स्थलको बारेमा जानकारी दिने स्टललाई निःशुल्क प्रदान गरिनेछ भने कृषि तथा हस्तकला का स्टलहरु विशेष छुटमा प्रदान गरिएको आयोजकले जनाएको छ ।

महोत्सवको मुख्य प्रायोजकमा हिमश्री फुड्स प्रा.लि.को उकृष्ट उत्पादन रारा तयारी चाउचाउ, प्रायोजकहरुमा लुम्विनी विकास बैँक लि., योकोहामा जापानिज ल्याङ्ग्वेज एण्ड ट्र्ेनिङ कन्सल्टेन्सी, स्काई लिड्ढ टेक्नोलोजि , अन्नपूर्ण प्याराग्लाईडिङ, न्यू प्यारा वल्र्ड प्याराग्लाईडिङ प्रा. लि., आईएमई पे सिद्धिमणी एक्स्प्रेस अमरसिंहचोक, अन्ना एण्ड सोफिया कन्स्टक्सन प्रा.लि., रिलाएबल लाइफ ईन्सुरेन्स कम्पनि लि., अफिसियल पानीमा लेखनाथ फुड एण्ड बेभरेज प्रा.ली को लेकसिटी पानी, प्रवद्र्धकमा नेपाल पर्यटन बोर्ड , सहयोगी संस्थाहरुमा अमरसिंह मा.वि.,जिल्ला समन्वय समिति कास्की, विशेष सहयोगीमा पोखरा महानगरपालिका, अफिसियल बैँकमा ग्रिन डेभलपमेन्ट बैँक लि., अफिसियल ईन्सुरेन्समा सिद्धार्थ इन्सुरेन्स लि., अफिसियल इन्टरनेटमा वल्र्ड लिङ,लगायत रहेका छन्, त्यसै गरी मिडिया पार्टनरहरुमा एविसि टेलिभिजन, गण्डकी टेलिभिजन, फेवा टेलिभिजन, अन्नपूर्ण एफ.एम र समाधान राष्ट्रिय दैनिक रहेको छ ।

पोखरा । कास्कीमा पहिलो संस्करणको ‘गण्डकी प्रदेश लिग मुख्यमन्त्री कप २०७६’ फुटबल प्रतियोगिताको आयोजना माघको पहिलो साता हुने भएको छ । गण्डकी प्रदेश फुटबल सँघको आयोजनामा आगामी माघ ४ गते देखी ९ गते सम्म भण्डारढिक स्थित खेल मैदानमा प्रदेश स्तरिय फुटबल प्रतियोगिता आयोजना गरिने आज (शुक्रबार) आयोजित पत्रकार सम्मेलन मार्फत जानकारी दिईएको हो ।

गण्डकी प्रदेश लिग कमिटीका संयोजक तथा एन्फाका उपाध्यक्ष कृष्ण बहादुर थापाले गण्डकी प्रदेशमा उमेर समुहको फुटबल एकेडेमी स्थापना गर्ने र प्रदेशको टिम ११ निर्माण गर्ने उद्देश्य सहित पहिलो संस्करणको प्रतियोगिता आयोजना गर्न लागिएको बताए ।

उनले उक्त प्रतियोगितामा ११ जिल्लाका कुल ८ टिमले सहभागिता लिन पाउने बताए । उनले जिल्ला लिग बिजेता टिमहरुको सहभागिता रहने बताउदै बिजेताले नगद ५ लाख प्राप्त गर्ने बताए । उनका अनुसार उपबिजेता टिमले नगद ३ लाख हात पार्नेछ ।

थापाले सो प्रतियोगितामा कास्की लिग बिजेता आदर्श क्लब भण्डारढिक, तनहुँ लिग बिजेता भिमाद युथ क्लब, लम्जुङ लिग बिजेता त्रिवेणी युथ क्लब, स्याङ्जा लिग बिजेता होराईजन क्लब, गोर्खा लिग बिजेता बौद्ध हिमाल क्लब, मनाङ लिग बिजेता डाँफे युवा क्लब, नवलपुर लिग बिजेता गैडाकोट खेलकुद समिति गरि ७ जिल्लाका लिग बिजेताले प्रतियोगितामा सहभागिता जनाउने छन् भने अन्य ४ जिल्ला (बाग्लुङ, पर्वत, म्याग्दी र मुस्ताङ) बिच हुने छनौट चरणको खेलबाट बिजेता एक टिम गरी कुल ८ टिमको प्रतियोगितामा सहभागिता रहने थापाले जानकारी दिए । उक्त प्रतियोगिता सम्पन्न गर्नका लागि गण्डकी प्रदेश सरकारले नगद ४० लाख आर्थिक सहयोग गरेको संयोजक थापाले बताए ।

उनले प्रतियोगितामा विद्यागत रुपमा पुरस्कारको व्यवस्था गरेको बताउदै उत्कृष्ट डिफेन्स, उत्कृष्ट गोलरक्षक, सर्वाधिक गोलकर्ता, उत्कृष्ट मिडफिल्डर र उत्कृष्ट प्रशिक्षकलाई जनाही ५ हजारले पुरस्कृत गर्ने बताए ।

पौष २५ पोखरा ।
गण्डकी प्रदेशका सांसद एवं अर्थ तथा विकास समितिका सभापति दीपक कोइराला(रुपक)ले देशमा शैक्षिक बेरोजगार वडेको बताउनु भएको छ  । पोखरा ३२ मजुवामा रहेको कालिाका आधारभूत विद्यालयको २९औं वार्षिकउत्सव एवं पुरस्कार वितरण समारोहको उद्घाटन गर्दे कोइरालाले सो कुरा बताउनु भएको हो । अहिले देशमा शैक्षिक वेरोजगारको संख्या वृद्वि भएको भन्दै अब विद्यालयहरुमा हाम्रो माटो र हावापानी सुहाउने शिक्षा दिनुपर्ने बताउनु भयो ।

कोइरालाले अहिलेका धेरै विद्यालय प्राविधिक शिक्षा नभएकोले डिग्री गरेकाहरुपनि बेरोजगार बन्नु परेको बताउनु भयो । गण्डकी प्रदेश सरकारले देशमै रोजगार दिनेखालको जनशक्ति उत्पादन गर्नको लागी गण्डकी विश्वविद्यालय सञ्चालन गर्ने तयारी गरेको जनाउदै सके स्वरोजगार नसके रोजगार हुने खालको शिक्षा अहिलेको आबश्यकता रहेको उहाँको भनाई थियो । अहिले भएका विश्वविद्यालयहरुले पनि देशको माग अनुसारको जनशक्ति उत्पादन नगरेकोले गण्डकी विश्वविद्यालय आबश्यकता परेको बताउनु भयो  ।

कार्यक्रममा वडानं ३२का वडाध्यक्ष अक्ल बहादुर कार्र्की  प्रधानध्यापक दोर्णराज सुवेदी,शिक्षक निर्मला घिमिरे,विद्यार्थी सविना नेपाली लगायतले बोल्नु भएको थियो ।  विद्यालय ब्यबस्थापन समितिका अध्यक्ष होम गुरुङको अध्यक्षतामा भएको कार्यक्रमको सञ्चालन शिक्षक ओसिन गुरुङले गर्नुभएको थियो ।