पोखरा १७ चैत्र ।
पोखरामा समाजिक कामको माध्यामबाट अग्रणी स्थानमा रहेको युनाईटेड क्लवले गण्डकी प्रदेश सरकारले स्थापना गरेको कोरोना संक्रमण रोकथाम, नियन्त्रण तथा उपचार कोषमा एक लाख रुपैया प्रदान गरेको छ । चिनबाट सुरु भएको कोरोना भइरसको संक्रमण नेपालमा पनि देखिन थालेसंगै नेपाल सरकार संगै गण्डकी प्रदेश सरकारले समेत यसेको रोकथाम, नियन्त्रण तथा उपचारका लागी कोष स्थापना गरेको र उक्त कोषमा क्लवको तर्फबाट एकलाख रुपैया जम्मा गरिएको हो ।

सोमबार मुख्यमन्त्री कार्यालयमा क्लवका अध्यक्ष लालकाजी गुरुङ, निवर्तमान अध्यक्ष सुक बहादुर गुरुङ र क्लवका प्रथम उपाध्यक्ष राजु श्रेष्ठले गण्डकी प्रदेशका मुख्य मन्त्री पृथ्वी सुव्वा गुरुङलाई एक लाख रुपैयाको चेक हस्तान्तरण गरेका हुन । चेक हस्तान्तरण गर्दै युनाईटेड क्लवका अध्यक्ष लालकाजी गुरुङले युनाईटेड क्लवले स्थापना कालदेखी शिक्षा, स्वास्थ्य, खेलकुद, पर्यटन प्रवद्र्धनका लागी चिडियाखाना निर्माण, सेती नदी संरक्षण र सौर्य वत्ती जडानमा काम गर्दै आइरहेको भएतापनि अघिल्लो वर्षदेखी छुट्टै विपद ब्यवस्थापन कोष स्थापना गरेको र सोही कोष अन्तर्गत आज कोरोना संक्रमण रोकथाम, नियन्त्रण तथा उपचार कोषमा एक लाख रुपैया सहयोग गरेको वताए ।

क्लवकाले विशेष गरी तिहारको बेलामा देउसीभैलो कार्यक्रम गरी संकलन भएको रकमलाई विपत ब्यवस्थापन कोषमा जम्मा गर्दै आइरहेको वताउदै आगामी दिनमा पनि यस्ता विपदमा परेकाहरुलाई क्लवले सहयोग गर्ने वताए । यसअघिपनि धनगडीमा हावाहुरीबाट क्षती भएको परिवारहरुलाई युनाईटेड क्लवले नगद ७५ हजार रुपैया सहयोग प्रदान गरेको क्लवका निवर्तमान अध्यक्ष सुक बहादुर गुरुङले वताए ।

सो अवसरमा वोल्दै गण्डकी प्रदेशका मुख्यमन्त्री पृथ्वी सुब्बा गुरुङले युनाईटेड क्लवले गरेको सामाजिक काम पोखरामानै उत्कृष्ट रहेको वताउदै सरकारले मात्र चाहेर नहुने विभिन्न संघ सस्था, क्लव, आमा समुह, युवा समुहहरुले समेत यस्तो विपदको घडीमा सहयोग गर्न आग्रह गर्दै प्रदेश सरकारले राष्ट्रिय वाणिज्य बैङ्कमा स्थापना गरेको कोरोना भाइरस रोकथाम आपतकालीन कोषको खाता नम्बर ३०२००१८८३०१ मा सहयोग रकम जम्मा गर्न समेत आग्रह गरे ।

रौतहट ३ चैत्र । सशस्त्र प्रहरी वल नेपाल सुरक्षा वेस फतुवा रौतहटबाट खटिएको टोलीले यमुनामाइ गाउपालिका ३ राजपुर तुलसीबाट एक युवालाई दुइथान पेस्तोल सहित पक्राउ गरेको छ । वेस क्याम्पबाट सशस्त्र प्रहरी निरीक्षक दिल बहादुर रायमाझीको कमाण्डमा खटिइ गएको टोलीले आज विहान ९ : ५० बजेको समयमा चेकजांच गर्ने क्रममा रौतहट यमुनामाइ गाउपालिका ३ राजपुर तुलसी वस्ने ४५ वर्षिय शेष बैतुल्लालाई चेकजांच गर्ने क्रममा चाइनिज पेस्तोल १ थान र सो मा लाग्ने गोली १ थान, मि. मि. बाल राउण्ड २, कटुवा पेस्तोल एक थान सहित पक्राउ गरेको हो ।

बिआर ओ एसटी ८१३६ नम्बरको मोटरसाइकलमा सवार बेल्तुल्लालाई सशस्त्रको टोलीले चेकजांच गर्ने क्रममा दुइथान पेस्तोल सहित, ब्लुबुक एक थान, घडी एक थान, ३ हजार ४ सय ८० नेपाली रुपैया, नागरिकता एक थान सहित पक्राउ गरिएको र उनलाई आवश्यक कारबाहीको लागी जिल्ला प्रहरी कार्यालय रौतहट गौर पठाइएको सशस्त्र प्रहरी वल नेपाल ११ नम्बर गण हेड क्वार्टर रौतहटका गणपति सशस्त्र प्रहरी उपरीक्षक रविनराज कर्णजीतले जानकारी दिए ।

गिता राना मगर, पोखरा २३ फागुन । गण्डकी प्रदेश सभाका सदस्य इन्द्रधारा विष्टले नेपाल सरकारले गुम्बा र गुम्बामा वस्ने लामालाई हेर्ने दृष्टीकोणमा परिवर्तन आउन जरुरी रहेको वताएका छन ।अझैपनि रातो बस्त्रधारी बौद्ध गुम्बाका लामाहरुलाई सरकारले भोट क्षेत्रको लामाको रुपमा हेर्ने गरेको विष्टको भनाइ रहेको छ ।

मुस्ताङ शाक्य वौद्ध संघको आयोजनामा मुस्ताङको विद्यालय स्तरिय त्रि भाषा वक्तृत्वकला प्रतियोगितामा वोल्दै सांसद विष्टले अझैपनि रातो लुगा लगाएर हिड्ने लामाहरुलाई भोट क्षेत्रको लामाको रुपमा हेर्ने दृष्टीकोणमा परिवर्तन नआएको र आफुले प्रदेश सभा सदस्यको जिम्मेवारी पाएसंगै प्रदेश सरकारलाई यसबारेमा ध्यानाकर्षण गराएको समेत वताए ।

अझैपनि भोट क्षेत्रको गुम्बाकै रुपमा नेपाली समुदायहरुले सञ्चालन गर्ने गुम्बालाई हेर्ने गरिरहदा आफु प्रदेश सभा सदस्य भएर आएपछि आफ्नो मातहतबाट मुस्ताङका गुम्बाहरुमा बजेट उपलब्ध गराएको वताउदै विष्टले अहिले उपल्लो मुस्ताङका पुराना गुम्बाहरुको जिर्णोद्धार गर्ने, नया गुम्बाहरु निर्माण गर्ने र छोर्तेनहरु निर्माण तथा संरक्षणमा आफुले पहल गरिरहेको वताए ।

त्यसैगरी पछिल्लो समय गण्डकी प्रदेश सरकारले गण्डकी विश्वविद्यालयको स्थापना गर्न लागिरहदा मुस्ताङ, मनाङ र उत्तरी गोर्खाको चुनमुब्री भ्यालीमा सञ्चालित गुम्बा स्कुलबाट उतीर्ण भइ उच्च शिक्षा अध्ययन गर्ने विद्यार्थीहरुलाई समेत विश्वविद्यालयमा अध्ययन गर्ने वातावरण वनाउन आफ्नो तर्फबाट लागिपरेको र गण्डकी प्रदेशका मुख्यमन्त्री पनि यस वारेमा सकारात्मक रहेको विष्टले वताए ।

सांसद विष्टले मुस्ताङ शाक्य वौद्ध संघले बुद्ध धर्मको संरक्षण र प्रवद्र्धन संगै हराइसकेको पुरानो सांस्कृतीक महत्व बोकेको पुजाहरुलाई पुनर्जागरण गरी हिमाली भेगको रहन सहन र संस्कृतीको उजागर गर्न सहयोग पुर्याइरहेको र पछिल्लो चार वर्षदेखी वौद्ध स्कुल र अन्य विद्यालयमा अध्ययन गर्ने विद्यालयका विद्यार्थीहरुलाई लक्षित गरी त्रि–भाषा वक्तृत्वकलाको आयोजना गरी विद्यार्थीहरुलाई एक सक्षम ब्यक्ति वनाउन तर्फ अगाडी वढाएकोमा धन्यवाद ब्यक्त गरे ।

त्रि–भाषा वक्तृत्व कला र हाजिरी जवाफ प्रतियोगितामा काग छ्योदेन स्कुल सर्वाेत्कृष्ट

मुस्ताङ शाक्य बौद्ध संघद्धारा आयोजित विद्यालय स्तरिय त्रि–भाषा वक्तृत्वकला प्रतियोगिता तथा भोट भाषाको हाजिरी जवाफ प्रतियोगितामा मुस्ताङको सातव वटा विद्यालयलाई पछाडि पार्दै कागवेनीमा रहेको काग छ्योदे थुप्तेन साम्फेललिङ मोनाष्टिक स्कुलले सर्वोत्कृष्ट स्थान हासिल गरेको छ । त्रि–भाषा वक्तृत्वकला प्रतियोगिता तर्फ अंग्रेजी र नेपाली भाषामा दोश्रो स्थान र भोट भाषाको हाजिरीजवाफ प्रतियोगितामा प्रथम स्थान हासिल गर्दै काग छ्योदेनले सर्वोत्कृष्ट स्थान हासिल गरेको हो ।

त्यसैगरी चराङ दोर्जे मोनाष्टिक स्कुलले भोट भाषाको वक्तृत्वकलामा दोश्रो स्थान र नेपाली भाषाको वक्तृत्वकलामा प्रथम स्थान हासिल गर्दैै दोश्रो स्थान हासिल गर्न सफल भयो भने अंगेजी भाषा र भोट भाषाको वक्तृत्वकलामा तेश्रो स्थान हासिल गर्दै पाल इ वाम नामग्याल स्कुलले तेश्रो स्थान हासिल गर्न सफल भयो ।
त्रि–भाषा वक्तृत्वकला प्रतियोगिता अन्तर्गत अंग्रजी भाषा तर्फको वक्तृत्वकलामा चराङ लेक्षे छ्योएलिङ न्युनरी स्कुलका ङवाङ ल्हाजेले प्रथम स्थान हासिल गरेभने काग छ्योदे थुप्तेन साम्फे लिङ मोनास्टिक स्कुलका सोनाम छिरिङ र पाल इ वाम नामग्याल मोनास्टिक स्कुलका ङवाङ छ्योदोनले क्रमश द्धितिय र तृतीय स्थान हासिल गरे ।

त्यसैगरी नेपाली भाषाको वक्तृत्व कलामा चराङ मोनाष्टिक स्कुलका सोनाम छोपेल प्रथम, काग छ्योदे मोनाष्टिक स्कुलका टेन्पे ग्यात्सेन द्धितिय र श्री महाकरुणा शाक्यापा विद्यालयका खेन्राब साङवो तृतीय भ एभने भोट भाषा तर्फको वक्तृत्वकलामा श्री महाकरुणा शाक्यापा विद्यालयका तेन्जीङ ल्योदोइ प्रथम, चराङ दोर्जेधन मोनास्टिक स्कुलका नवाङ तेन्जिङ र पाल इ वाम नाम्गोन स्कुलका याग्चेन डोल्कर तृतीय भए ।

भोट भाषाको हाजिरी जवाफ प्रतिया्ेगितामा काग छ्योदे थुप्तेन साम्फेल लिङ स्कुल प्रथम, हिमालयन बुद्धिष्ट एकेडेमी द्धितिय र लो निफुङ नाम्द्रोल नोरवुलिङ स्कुल तृतिय स्थान हासिल गर्न सफल भए । प्रतियोगिताका विजेताहरुलाई गण्डकी प्रदेश सभा सदस्य इन्द्रधारा विष्ट र राजीव पहारी, रिम्पोछे गुरु, मुस्ताङ शाक्य बौद्ध संघका पदाधिकारी, खेन्पो लामा गुरु लगायतले संयुक्त रुपमा पुरस्कार प्रदान गरेका थिए ।